將軍澳坑口區除有野鴿患外，也同時面對鼠患的威脅。區內中產屋苑東港城竟然有老鼠沿渠爬上樓。住戶有相為證，並好心提醒其他街坊小心窗戶。詳情見下圖及下文：
將軍澳中產屋苑驚現鼠蹤逐張睇↓↓↓↓
樓主早前在facebook群組「將軍澳主場」上載相片發文——「提醒東港城住戶小心有老鼠，7座中層喺廚房望出去，竟然發現有老鼠。咁高都爬到上嚟，大家開廚房同廁所窗的住戶，小心老鼠走入屋。朋友住喺同座1x樓同一方向都話聽到水渠走動聲，仲以為係白鴿。本人已post東港城群組，但怕很多人唔知道所以喺呢到再提醒大家，入咗屋就不得了。#會通知管理處」。
回應的網民指相中的老鼠「好大隻 」。另有人指「20幾樓都見過有老鼠爬上去」，並估計「附近一定都有」、「佢成日上天台吹風」。
將軍澳中產屋苑驚現鼠蹤逐張睇↓↓↓↓
網民：廿幾樓都見過有老鼠爬上去
因應坑口區的嚴重野鴿問題，有人直指「餵雀嘅麵包養出嚟」，另有人稱「住喺有商場嘅，又有咁多食肆，梗係有方便，但係亦有容易有蟲鼠蟻老鼠嘅弊處！」；不過也有人無奈地稱「香港有咩地方冇老鼠」。
有網民則苦中作樂，上載貓咪相片問「要請保安嗎？有佢無老鼠」，有回應大讚「呢個保安合格，眼神相當厲害」。另有人笑說「影得幾cute（可愛）」、「搵頭好住家」、「好明顯，佢等緊衰佬返，應該就住喺嗰層！」。
資料來源：Makiyaki Wu＠facebook
相關閱讀：坑口站對出入夜後 呢樣嘢多到要大步檻過？ 網民仲影到野鴿夜軍團↓↓↓↓
位於將軍澳的港鐵坑口站，對開野鴿為患多時，街坊與乘客出入飽受滋擾。B出口對開小花園不時有大量野鴿聚集，現場空地如今更是一波未平、一波又起，有網民拍攝到夜繽紛盛況，除有「野鴿夜軍團」排列成方塊陣外，群鼠也加入變成老鼠樂園，市民行出行入隨時要大步檻過。↓↓↓↓
