COLLAR新歌《Trouble Trouble》MV先「色」奪人 許軼Day預告新團綜經歷大量麻煩事

女團COLLAR於昨日(1日)推出年度首支團歌《Trouble Trouble》,今次歌曲主題是展現COLLAR玩味一面,有別於過往所傳遞的勿忘初心、面對逆境等的訊息,MV中,COLLAR亦一反以往Cool爆風格,大玩繽紛色彩路線,散發出少女氣息。

COLLAR新歌先「色」奪人

《Trouble Trouble》是COLLAR成軍以來,最具玩味的團歌,Gao表示:「過去COLLAR歌曲都係關於自我,發掘我哋面對所有嘢嘅一面同埋內心脆弱嘅一面,實在太認真,其實我哋平時都唔係咁,所以我哋今年要玩盡佢,想試啲玩味啲嘅COLLAR!」問到歌曲MV又有何特色?Marf指今次最特別之處,是找來《Never-never Land》的導演執導MV,「我哋盡量有好多新元素同新角色喺入面,有啲顏色同地方都有啲似《Never-never Land》,大家可以解讀吓我哋呢首兩年前出嘅歌,同今次出嘅歌有咩分別。」新歌MV分兩日進行拍攝,不過兩日的溫差很大,芯駖表示天氣變化,亦切合歌曲名稱「Trouble」,她謂:「今次MV主要是外景分兩日進行,一日好熱,一日好涼,證明天氣都有啲Trouble,襯番我哋首歌!」Ivy就透露兩日拍攝,一日到沙頭角取景,另一日到摩星嶺,車程甚遠,她笑指不只是《Trouble Trouble》更是「travel travel」。

相關文章︰Marf邱彥筒@COLLAR成功考獲車牌 興奮拎P字街頭炫耀舞技

Collar新歌《Trouble Trouble》搣甩cool爆風,玩味十足。
Collar新歌《Trouble Trouble》搣甩cool爆風,玩味十足。

 

新歌《Trouble Trouble》MV,COLLAR化身七彩仙子。
新歌《Trouble Trouble》MV,COLLAR化身七彩仙子。

 

Ivy So(蘇雅琳)另類性感。
Ivy So(蘇雅琳)另類性感。

 

Ivy So咁樣穿feel到有蚊!
Ivy So咁樣穿feel到有蚊!

 

王家晴(Candy)七彩蝦條~
王家晴(Candy)七彩蝦條~

 

許軼(Day)是cute cute擔當。
許軼(Day)是cute cute擔當。

 

沈貞巧(Gao)擔任COLLAR隊長。
沈貞巧(Gao)擔任COLLAR隊長。

 

陳泳伽(Winka)最近有喜,同知名幕後音樂人朱芸編拍拖。
陳泳伽(Winka)最近有喜,同知名幕後音樂人朱芸編拍拖。

 

COLLAR新歌沙頭角與摩星嶺取景

提到Trouble,Winka直言為拍MV,連續兩日凌晨四點開工,缺乏睡眠的狀態下,感覺連說話都有點Trouble,而Day認為即將播映的團綜是最Trouble,更大賣關子說:「即將出嘅團綜,我哋經歷咗好多Trouble事,睇我哋團綜就會知。」Candy則認為Trouble只是一個概念,只要心態保持樂觀,所有事情便不會是Trouble。

即時娛樂