42歲的TVB「御用丫鬟」、曾選過港姐有「翻版朱玲玲」之稱的陳思齊（原名：陳凱怡），2013年與TVB結束12年賓主關係後，即轉投香港電視，之後更索性轉行當音樂治療及香薰按摩師。去年陳思齊靜極思動於內地社交平台「復出」，既做吃播又分享日常生活片段。於娛樂始終發展平平的她，最近拍片大呻當女演員之苦，更宣布將投靠一名前TVB小生搵食。
陳思齊事業感情兩失意
陳思齊近年已移居內地生活，日前她拍片呷當女演員之苦。雖然已經42歲，但陳思齊非常童顏，皮膚極佳而且五官依然十分青秀，似30多過40歲。她表示在TVB的日子，一直有年齡焦慮，她說：「經常擔憂被裁員，而且女演員好快就畀人話年紀大。又冇角色啱我做，叫我早啲嫁人喎。面對工作嘅瓶頸，又30歲嫁唔去，所以我決定離開娛樂圈，諗住試吓其他發展。」
相關閱讀：前TVB「御用丫鬟」驚變吃播網紅？童顏靚樣曾被指整容 離巢後轉行做按摩師
陳思齊內地擺攤執垃圾：
陳思齊指曾是港姐也沒用
陳思齊更表示曾是港姐和懂演戲也沒用：「社會太殘酷嘞，我話畀人聽我識做戲，我係香港小姐又點，香港小姐嘅頭銜同演戲經驗，都冇辦法令我搵到一份好嘅工，包括我依家嚟到佛山都係一樣。」
陳思齊跟蔡淇俊搵食
經過深思熟慮後，陳思齊決定到街頭擺攤，從影片所見，陳思齊非常落力，執起枱面上用過的紙巾垃圾，一點也沒有「揸流攤」，原來她將會跟前TVB小生，曾經於《同事三分親》中飾演陸哲的蔡淇俊搵食。蔡淇俊於街上，更為陳思齊舉行歡迎儀式，送鮮花給這位TVB前同事。蔡淇俊問她冷不冷，陳思齊笑着說又攰又凍，更展示身上貼着數個暖包。蔡淇俊指擺街檔就是要日曬雨淋十分辛苦，但陳思齊表示不怕。
相關閱讀：「御用丫鬟」陳思齊退隱10年突復出！去年移居內地自揭一原因重啟演藝事業
點擊睇陳思齊更多靚相：
