已婚大生銀行主席馬清鏗早前被《東周刊》獨家爆出與巨咪網紅「五索」鍾睿心（Rachel）暗交9年並誕下4名孩子，但五索其後沒有因此而被「滅聲」，反而越變越高調。早前，她與馬清鏗去瑞士旅行，更獲男方親自餵食，非常甜蜜；不過，五索日前就拍片透露上月因一事想跟馬清鏗分手。
五索化身感情顧問
五索獲封「最強小三」，不少網民都向她請教「釣金龜」秘技，她日前拍片表示突然變了感情顧問，但就謂：「你哋係咁問我應唔應該分手？首先我唔係林作顧問，我冇收錢嘅，第二有咩事你哋會鬧我，所以我只可以同你哋分析，有咩情況下點樣做呢！」五索續分享心得，並以馬清鏗作例子，指對方難相處：「我覺得人係冇完美嘅，就當馬先生一個咁嘅人，佢好有錢對我好好啦，但其實佢都有好多缺點，佢真係一個好難相處嘅人嚟，佢係超級大直男啊！」
生蛇一事被對方嫌棄
五索續自爆最近發生一事，想跟對方分手：「我show 俾佢睇(生蛇 ) 冇晒頭髮，佢第一個反應係：『啊好核突啊，咩嚟㗎？唔好過嚟啊，係咪有菌啊，唔好俾我睇，走啊走啊』佢嫌棄兼鄙視，我個下即刻爆喊，搵我best friend 攬住喊，一齊諗方法，點樣戴假髮可以遮住嗰個位，而佢（馬清鏗）作為最親嘅人，連我嘅好朋友都不如，所以我嗰下真係好嬲啦！」
讚馬清鏗用行動安慰
當五索想分手之際，馬清鏗相當識做，翌日買了機票，並跟五索說：「你咁大壓力，我哋一齊去歐洲玩」於是促成了早前的瑞士之旅。五索表示當下怒氣即消，並表示：「哇，每次想分手嘅時候，佢就做埋啲咁嘅嘢！所以一個人係唔會完美，就算佢把口唔叻，成日得罪我，但起碼有行動用心去安慰、關心我。我嘅擇偶條件就係，我好想另一半有啲行動，證明佢真係關心我或者愛我嘅。」最後，五索表示每個人想要的都不同，不可以要求一個人有晒所有嘢、包括靚仔、專一，有錢、識氹人等等，「如果你係咁就直頭唔好拍拖，如果你想繼續同呢個人行落去，你自己諗吓，只有一樣嘢，嗰個人俾唔俾到你想要嘅嘢你。」
