謝霆鋒將今個月底在啟德體育園主場館舉行演唱會，引起全城撲飛熱潮，簡直一票難求。向來寵粉的霆鋒日前就大派福利，表示私人送出20張門票，雖然行為十分窩心，但網民都繼續嗌「救命」指20張滿足不到粉絲。霆鋒聽到大家的訴求，昨日立即加碼並表示再送演唱會神秘盲盒，名額20個，男神更拍片親自解說得獎方法。
神秘盲盒大賣關子
霆鋒寫道：「你哋話我送20張演唱會飛邊度夠滿足晒咁多人，又話攞到嘅機會好渺茫，你哋嘅訴求，我完全聽到晒，但我手頭上只可以攞到20張飛送畀你哋！不過我又諗到第二樣禮物送畀大家！就係再加送演唱會神秘盲盒，名額20個，但神秘盲盒係乜嘢就唔同大家講住，不如等我諗吓點樣送啲飛同演唱會神秘盲盒先，再畀啲時間我。」
謝霆鋒月底在啟德體育園主場館舉行演唱會，門票簡直一票難求。
向來寵粉的霆鋒日前就大派福利，表示私人送出20張門票！
霆鋒更親自拍片解說得獎方法。
更在threads出post。
霆鋒決定與歌迷玩《逆行》鋒狂唱挑戰！
歌迷可以以任何形式唱出《逆行》，最具創意及意思的視頻，就有機會獲得演唱會門票及盲盒。
挑選最有創意的視頻
相隔一天後，霆鋒就親自拍片解說得獎方法，片中見他穿上軍綠色外套，單手插袋，非常型仔，並表示知道好多人仲未買到演唱會飛，所以發起《逆行》鋒狂唱挑戰，他認為最有創意或者最有意思的視頻就會得到禮物，霆鋒表示：「大家有興趣想攞到我演唱會飛或者我演唱會盲盒嘅朋友要聽住啦！我決定玩《逆行》鋒狂唱挑戰！唱我嘅新歌《逆行》，我會錄我嗰part，跟住盡快IG出片畀大家Remix玩，限時72小時，大家可以以任何形式同我唱《逆行》都得，例如你鍾意滑住雪、煮嘢食、玩結他都無所謂㗎！記得玩完Tag我，被我揀中嘅話你就可以自己選擇演唱會飛或者演唱會神秘盲盒！記得由我出片計，限時72小時。」
