正值DSE考試，叱咤903特別推出DSE期間限定應援節目《廣東歌陪跑組》，安排歌手突襲校園，為考生注入滿滿的音樂能量！「暴走GEN C企画」第三站邀得唱作歌手陳健安（安仔）突襲保良局胡忠中學。
藉勵志歌詞為同學打氣
在活動開始前，禮堂已有逾百名同學在場等候，安仔出場時獲得全場熱烈掌聲歡呼。同學們更為安仔送上驚喜，親手繪製安仔非常喜愛的外星人「螢螢」進行應援。安仔首度演繹新歌《不遲不早》，藉着勵志歌詞為同學們打打氣。安仔接着與叱咤903阿酸帶領全場學生一齊合唱《未知道》的前奏，再與學校樂隊「恆錦街壹號」組成期間限定五人組合「臨時恆錦街」，進行一場熱血的Busking表演，合力將這份音樂祝福送給今年的應屆DSE考生，為大家注入滿滿正能量！活動尾聲，安仔一邊演唱《繼續繼續》，一邊與同學們合照派心，氣氛炒熱至最高點，為這場應援行動畫下完美句號！
以自身經歷鼓勵學生
表演日子正值Study Leave，中六考生特意回校支持安仔，令安仔相當感動，並向他們送上溫暖的擁抱，更窩心分享小貼士給所有應屆DSE考生：「除咗安排溫書時間外，休息同娛樂嘅時間都記得要寫落去Schedule！甚至乎Grad Trip都可以寫埋落去，畀自己知道DSE完左之後會有開心嘅嘢可以做！」
安仔自爆曾repeat同自修過
除了為考生打氣外，安仔更特意選唱新歌《不遲不早》，希望將歌詞的豁達心境傳遞給每位同學：「其實我比人遲咗3年先畢業，中間有Repeat同自修過。當時有人問我，比其他人遲左3年會唔會好大壓力，但我覺得呢段時間過得好充實，亦都認識咗好多新朋友！好似呢首歌，每個人都有自己嘅節奏同Timing，可能你會比人行多少少彎路，但唔緊要，要好好享受沿路嘅風景！」
