自問向來饞嘴，慶幸有食神眷顧，未算食盡天下美食，珍饈卻品嚐過不少，物以類聚，平時三五知己成群總有美食Foodie，身邊食家多過股評家，城中覓食冇難度，好友中更不乏城中名廚，正因如此，純粹貪平舟車勞頓豈是我杯茶。
儘管與食有緣，個人認為最值得欣賞的，其實是對食客不分生熟都一視同仁的食店，然而，現實幾時都離不開呢句「識人好過識字」，難道唔識人又唔識字就要冇啖好食？明知是大廚友好留 試食新Menu，侍應們點都會加多幾錢肉緊。而這種差異化對待，有時難免被會其他食客看在眼\xf9堙C
見老友記肥碌Sir在社交平台上，轉載某名店的完美燒乳豬文章，原先諗住望梅止渴，從洗板式留言察覺，重點竟不在燒乳豬如何皮脆膏薄肉汁多有 頭，而是文中指該店的「一手豬，分三級，生客食三級，普通熟客食二級，VIP熟客食一級」，此言一出，難怪有看官讀者感覺不太良好。
不少自問並非該店熟客的網民自行對號入座，表面上，把食客分等級實在有欠公平，唯今時今日真的有食肆如此擺明車馬揀客？
有網民指出，該店如此大細超要Blacklist，咪住，不要衝動！何不親自到店一試，以證都市傳說真實性再判刑。
現實是熟客都係從生客而來，冇生邊有熟？生意難做更要認真做。
個人經驗之談，每次跟完大隊去試菜，自己都會再微服出巡認真再試，始敢作評論或推介，免陷自己於不義，因為照妖鏡一出，往往無所遁形。
