ViuTV皇牌綜藝節目《全民造星》從2018年第一屆起便捧出多隊人氣組合，包括MIRROR、ERROR、COLLAR等。在2025年迎來第6季，《全民造星VI》早前開始公開招募參賽者，今年繼續以全男班形式進行。《星島頭條》連續多日到現場直擊，首天在3月19日早上舉行，海選的參賽人數多達740人，場面墟冚，而第二及第三天面試則在下午同一地點舉行，質素明顯高一班，更見ViuTV旗下藝人何居倬再參賽，大會更聚集了較為出色的參賽者會見傳媒。
「翻版MC」夠搶眼
首天所見，多位參賽者準時到達香港知專設計學院報到，逼滿學校門口，不同類型的男生大多都以便服打扮上陣，更有人帶備大提琴等樂器。參賽者質素參差，當中比較搶眼的有「翻版MC」張鈞傑（Kit）、翻版Alton（王智德）、翻版193（郭嘉駿）等等。而面試形式有唱歌考核環節，17首指定歌曲隨機播放，包括RubberBand《發現號》、古巨基《愛與誠》、張敬軒《酷愛》、姜濤《蒙著嘴說愛你》、張天賦《說謊者》、洪嘉豪《黑玻璃》、陳卓賢《再見寧靜海》、謝霆鋒《活著Viva》、陳奕迅《重口味》等等，另外亦會有隨機音樂跳舞環節，參賽者都出盡渾身解數落力演出。
記者在場外訪問了幾位參賽者，大部分人都表示臨時先收到歌單，所以準備時間不足，並認為張天賦的《說謊者》難度較高；其中28歲任職工程師的參賽者表現淡定，並表示：「第一年嚟參加，對唱歌有信心（有17首歌突擊抽來演唱？）今朝9:30先收到，所以準備時間都唔係好足夠，覺得MC嘅《說謊者》最有難度，假音幾高難度，但係有幾首歌幾熟悉嘅，希望好運啲抽到熟悉嘅歌」；另有參賽者則表示打算以「真誠」打動評判。
兩日面試玩法大有不同
記者翌日（20日）再去直擊第二天的面試，人數明顯減少，不過無論外貌及才華，質素明顯高一班，除有「翻版Tyson Yoshi」Kelvin，更見樂壇新人凌卓烽（Noah）染了一頭金髮現身面試，相當搶眼，Noah一出道聲線已經被指似「歌神」陳奕迅，未知比賽是否選擇演繹陳奕迅的歌曲呢？另外，有參賽者接受記者訪問時透露原來玩法與首日不同，並透露早在上星期已經收到通知「一分半鐘唱歌及一分半鐘跳舞」，好讓參賽者有足夠時間作出準備。據知情者爆料，兩日比賽規則不一原來有原因：「其實第一日嗰批已經一早被foul，不過大會為防有漏網之魚，決定加多一日海選，俾多次機會呢批參賽者面見，睇吓會唔會有人才可以招攬。海選由第二日開始嗰啲先係優質股，所以待遇唔同，面試以小組形式舉行，相對冇咁多人。」
驚見Ian「細佬」參賽
來到第三日面試繼續人山人海，更是精英雲集，當中一人非常面善，原來是在ViuTV劇集《冰上火花》飾演Ian（陳卓賢）同母異父細佬的郭梓奧（Oscar，角色司徒霑），郭梓奧透露自己亦曾經參與過劇集《太平紋身店》、電影《命案》、又與林家謙合作過拍廣告，他更分享一件趣事：「12歲曾與林家謙拍過MV，當時被問到有冇聽過家謙哥哥嘅歌，我就話冇，家謙即刻話自己老啦，而家就梗係識啦，希望再有機會同佢合作。」問到對Ian的感覺如何？郭梓奧覺得對方似一個大哥哥，每次見面都會被對方拍下膊頭擁抱一下，不過今次參賽，他就未有聯絡對方，只是睇返《造星1》偷師，並表示希望透過《造星》可以再重遇Ian，「唔係話俾佢知，而係show俾佢睇。」
當日面試另一焦點就是何居倬（Adams Ho）。Adams在2023年參加ViuTV選秀節目《全民造星V》入圍20強止步，之後同年正式加盟MakerVille，如今再來參賽，相信必會引起網民討論。
花姐強勢回歸
除了參賽者外，海選更見金牌主持人強尼現身，以及《造星》的「靈魂人物」花姐今年亦強勢回歸，花姐以總顧問身份參與，早前她已表明：「今年我全程喺度，就睇吓你表現成點！」另外有傳李幸倪（Gin Lee）會擔任節目導師，而Gin Lee過去亦曾為TVB歌唱選秀節目《聲夢傳奇》擔任兩季星級導師。
