今晚（25日）播出的TVB節目《東張西望》報導，一名28歲港男萬先生指，一年前北上光顧聲譽良好的牙科診所，剝牙手術後因引發併發症，令他回想剝牙過程，質疑牙醫的剝牙手藝不好，導致他傷口康復有問題。
萬先生花3千元剝牙
萬先生的右邊上顎有顆因位置異常而無法正常長出的小臼齒，不僅清潔困難，而且萬先生覺得不美觀，因此想剝牙。萬先生表示：「我於是決定北上照X光，問醫生，喺內地睇吓剝牙會唔會比較平啲。」萬先生因知道涉事牙科診所出名而且有規模，於是選擇了這間牙醫診所剝牙。萬先生花費3,000元於2023年11月做手術，並指：「佢手術前有話隻牙難剝，佢話呢個位好少生到咁入，個位置好特別，夾住喺中間。」
相關閱讀：東張西望丨老翁「離婚」變羅生門 老婦：佢個女打我 真相揭盅妻與子互推照顧責任？
港男北上剝牙有併發症求助無門？
萬先生手術後牙床過份萎縮
萬先生指照完X光後，他接受剝牙手術，當下他打了麻醉針，但都感到牙醫非常用力，他說：「過程比較耐，個醫生開始急，可能手術比佢想像中難做。期間佢都話隻牙難剝、埋得好深……然後又發出啲唔耐煩嘅聲，佢個動作開始大，雖然我感覺唔到痛，但我感覺到成個動作，佢係拔我隻牙，個動作大到我成個頭跟住郁，爭在未跌落床。」術後他等待傷口康復，但時間過去，牙床不但沒有修復，更越來越萎縮，「牙床修復失敗，feel到有個窿喺度。」
萬先生另一牙齒牙根外露
事隔一年，萬先生「報東張」，《東張西望》為他找本地專業牙醫分析，檢查時萬先生仍感到傷口位置痛楚。牙醫表示，萬先生已剝的牙齒旁邊本來完好的牙齒有牙菌膜長期積聚，牙肉亦有紅腫，牙洞有機會繼續萎縮，牙醫估計是剝牙後出現併發症，陳澔賢牙醫表示：「佢牙肉收縮情況嚴重，旁邊牙齒嘅牙根都曝露埋出嚟，同埋有好明顯嘅凹陷情況。以牙齦收縮嚟講，算係嚴重。」陳澔賢牙醫指理論上，牙根應該被牙骨包着，但當牙骨消失，牙肉亦會隨之消失，「旁邊隻牙長遠嚟講，佢嘅壽命，我諗都會大打折扣，因為佢已經冇承托，又大牙骨包住佢、保護佢。」
相關閱讀：東張西望丨老婦因病大婆變二奶 洞房之夜被嫌醜遭拋棄 等半世紀得名份突然被離婚？
萬先生被牙醫指恢復能力差
由於手術後，萬先生未即時發現問題嚴重性，他只在手術後兩星期，曾發照片給院方，而對方僅主張持續觀察，請萬先生覆診及洗傷口。去年1月，萬先生北上覆診，牙醫指可能是萬先生的恢復能力比較差。萬先生一度相信牙醫的專業，經歷大半年這個牙窿帶來的不便，譬如說話漏風、大笑時露出牙窿、不便吃東西等。2024年10月，萬先生再次到同一間診所想剝智慧齒，看到X光片才驚覺，可能是手術時出現問題，而非自己復原能力差，「問題未必喺我度，可能係佢哋暴力拔牙呢？可能佢哋手法有問題？」
相關閱讀：天水圍2男1女丨天逸邨活春宮男女被指染毒兩年 友人接受《東張》訪問：爭住食，有時大打出手
內地牙醫術後才告知牙肉或會過份萎縮
陳澔賢牙醫向《東張西望》分析，剝牙令牙床萎縮多少，除了看那隻牙藏得多深，還有兩個原因。他說：「如果你年紀越大、骨頭越硬，而你想攞到骨頭入面嘅牙根，你就需要磨越多嘅牙，但事主係28歲，並非大年紀。第二個原因，就係醫生個手勢問題，如果佢係要磨走好多骨頭出嚟，有啲醫生可能手勢好啲，磨少啲骨頭，佢都可以拎到隻牙出嚟，亦可能導致個分別。」萬先生提供覆診影片，片中可聽到萬先生問牙醫有否在手術前，提醒他手術後會有的併發症，片中的牙醫指：「術後我跟你講了。」萬先生反駁，「術後講那就沒意思了。」陳澔賢牙醫亦指出，如果術前預視到患者可能於術後，有牙肉過份萎縮問題，牙醫有否詢問患者「有冇考慮唔剝」，或有否與患者溝通術後的情況。
萬先生求償49萬元
去年11月，內地診所向萬先生提出付費的補救方案，萬先生非常不滿：「佢哋整到我個傷口咁樣，仲要我再畀錢？佢哋好唔負責任。」萬先生向診所投訴並要求賠償49萬元，並向深圳市羅湖衛生健康局投訴，局方建議他自行與診所協商，否則可進行法律訴訟，而萬先生指診所提出再治療。陳澔賢牙醫向《東張西望》分析手術失誤的可能性，但他指要看術前的X光片才能判斷，「如果見到X光本身係有骨頭包住隻牙，而剝完之後，變成呢隻牙嘅骨頭基本上完全流失，咁可能係涉及到少少技術上失誤。」不過萬先生多次追問想看術前X光片，但院方都未有提供。
相關閱讀：東張西望︱少女被邀上家灌酒後被非禮摸胸 涉事男同學自爆有呢個結果：不要再製造二次傷害
院方質疑萬先生勒索
診所回覆《東張西望》表示他們嚴守操作指南，手術過程亦附合規範，沒有證據表明存在暴力操作。不過《東張西望》再向診所負責人查詢，他們提出可免費為萬先生做骨增量以及種植修復療程，並指可請院長主導治療。不過萬先生不滿他在提出投訴前仍要他付費治療，如今投訴完便可免費跟進，認為他們不專業，表示不再相信他們的技術。診所負責人被問到，如果萬先生在香港接受治療，他們會否承擔醫藥費，對方表示：「如果你仍然覺得是我們的責任，建議你走一下醫療司法鑑定，譬如找深圳市羅湖區衛健局，是我們的責任，我們絕對承擔，如果不是，你說甚麼都沒用。」更質疑萬先生有勒索之嫌，「萬先生由49萬，後面又降到25萬，之後又提出其他東西……總感覺有點敲詐勒索的感覺。」
