又中到應！若我的貼士有咁準就發達。講乜？周三本欄標題《黃總快谷盡「零零亨」》，講的正是星島日報集團網上直播的《賽馬日在線》內，閃出閃入的「沙圈密探零零亨」，極之有料到，所報的觀察，經常帶挈我中到應一應。
主要是佢 到不尋常人物出現，尤其騎練遠道而來的親人、老婆、子女、情人 突然入場，又或罕見的人物曝光。
亨仔過去兩季已經令小弟執唔少，特別寫出 ，乃希望「零零亨」老總黃以文好好善用佢，造福普羅馬迷，也令《賽馬日在線》收視及影響力更上一層樓。
犀利，周三賽馬，「零零亨」又發功，在第八場 到大摩及兒子，突然由澳洲返港，在沙圈旁與告東尼開開心心咬耳仔。是場有隻與大摩千絲萬縷關係的「得道猴王」出戰，肯定有顯示，你估機票平？兼且父子來回飛二十小時，當然有因。於是立即投注WP。開啊，哈哈，真夢幻！果然「得道猴王」由頭帶到尾Easy Win，九倍。
贏馬會錢最開心，因屬街外的，不似打麻雀、玩沙蟹，贏朋友錢，無論得或失也可能傷及感情。好 ，今次「零零亨」再下一城，且看黃老總會否一如我提議，將佢再谷一谷，提升成節目靈魂之一，以吸引更高收視率。
明日兩場國際一級賽，明星馬又傾巢而出，但好睇唔好買，因兩場皆有一匹超晒班的馬在陣，跑平磅，冇得輸，正是「嘉應高昇」及「遨遊氣泡」。前者畀田雞執到，真係發大達，因潘頓唔騎得，贏一場馬袋幾十萬元，可能晨操咁返 。後者麥道朗專誠明日凌晨由澳洲「仆」來，主要跑呢場，來回二十小時，邊會講玩？一百元W二串一，夠食兩 飯？
