當去到最後一刻，你還肯找，不找？
又去到最後一刻，你肯守，或不守？
今年新曆1月29日過年，之前，年廿九收爐，許多公司及店舖提早歇業，急景殘年，大家都忙著預備度歲。
聰明朋友原約定親友上家開 ，一起打麻雀過年。年廿六才發覺： ？家\xf9堻熊M沒有麻雀，一隻都冇，點算？
記得髮型師教路：上環威靈頓街，特多傳統麻雀舖，當中有間名店「英發祥」，蔡瀾曾經介紹，樓上舖，收五時半。
朋友出門時，已逾五時，照趕。去到時，已五時二十五分，負責人仍在店內，不動如山，照常營業。
買麻雀牌？有。專業介紹，製作精美，令人感動，當然照買。
又過兩日，年廿九當日才發覺：冇麻雀 ！髮型師又教路：威靈頓街「榮昌麻雀」有售。朋友在關門前五分鐘趕到，負責人氣定神閒，拿出「最後一張」實木摺疊麻雀 ，不慍不火介紹，買。
弊在不夠現金。負責人看似年高德昭，收費方面，卻與時並進：「不要緊，我有FPS（轉數快）。」即時過數，搞掂。
朋友抬麻雀 出門，感吃力，負責人道：「放心，樓下有的士。」
果然，順風順水，的哥幫忙攜 上落，服務態度超好。令朋友卒之趕得及，有麻雀牌及麻雀 過年，俱在閉店前，最後一刻鐘完成。
正是：一個肯買，一個肯趕；另一個肯賣，肯等。於是交易完成，皆大歡喜，完全貫徹香港精神。
