體育活動報道，應在體育版，賽馬，也當然應在馬版。故此，當體育或賽馬去 新聞版，咁就多數唔慌好 。
上周日正因出現連環墮馬，於是翌日即上 新聞版內頁頭條。
體育運動，尤其涉及高速的，包括賽車、滑雪、賽馬 總會有意外。而意外一出，大部分涉及的運動員難免受傷，間中會不幸死亡。
試過訪問賽車手及殿堂騎師對此的心態，多答曰：「做得呢行，預 ，只有盡量小心，擔心冇用。」
點解馬會競賽小組咁緊張陣上策騎安全？正因少少碰撞，也可能造成致命意外。不過，間中馬匹出事，非因被撞，而是自己失蹄，呢種最難防亦最 命，因戰馬高速衝刺中突然跪倒，騎師必在前面「落樓」，極易頭頸先著地，傷勢可以非常嚴重，國際一級高手戴萊，也因此而喪命，反應唔來也。
上周日的何澤堯也如是，「鋁神」在最後五十米全力衝刺時失蹄下跪，結果 唉，我睇住電視直播，見佢墮馬後郁都唔郁，真真心急如焚，因凡觸及頭頸的重傷，隨時導致終身殘廢，幸而好快收到消息，何仔手腳有反應。
之後的「保羅傳奇」也是黑到痹，冇得救，要人道 滅，「男保羅校友團體」真是喊得一句句。不過，倒有一位頗看得開的校友S哥話：「世事無完美，保羅系過去幾季威 咁耐，收夠籌喇，係時候領會一切皆無常了。」
今晚全泥宴，好多馬迷話「唔開胃」，不過，仍然要「食」，否則會餓馬的呀！
第七場二班千二米，廖廄惡晒，因「同祥和順」及「昇瀧駒」皆此程霸主又當打，若「跑真」，應該一Q衝線，但又豈會如此？咁就一於廖廄兩隻行頭，二重彩拖「喜至寶」及「魅力寶駒」！
