股價走勢往往有其前瞻性，DeepSeek能夠引發投資市場爭相拋售AI供應鏈股，反映美國投資者預期科技股短期震盪停不了。及後再有關稅戰，為美股第一季表現反覆不定提供更堅實理由。
美國向中國加徵10%關稅，至於加拿大、墨西哥關稅高低仍要未來一個月討價還價。假設加拿大、墨西哥關稅率降至10%，對於3月至5月通脹率可能提高0.3%左右，聯儲局要更長時間觀察美國通脹情況，減息時間表有可能延後到下半年，仲加上特朗普一再重申嘅晶片關稅，變數仍然多。
Reddit成業績股值博之選
美股下一段升浪，或許由經濟增長同時減息嘅憧憬展開，喺聯儲局一錘定音減息重臨之前，或許未見到單邊升勢，Mag7股份未係時候轉強。當2月尾業績期結束，3月19日下次聯儲局議息前，甚至再下一次議息嘅5月7日前，美股反覆不定嘅走勢或會持續，不過美股好消息未完全浮上面，亦毋須太悲觀。
個股方面，業績繼續成為資金樂園，下星期Reddit（RDDT）係比較值博之選，可以考慮吸納。
晉佳
相關文章：
