政府水庫乾塘，各路人馬紛紛獻計。聽 一個，聽 又一個，發覺不少人講意見，遇有利益相關時，就出現側側膊現象。
一般來說，學者及專業人士會較客觀，但一落到政客個口，立即不同。
靠選票的議員，幾大唔贊成調整兩蚊雞搭車政策，因他日拉票時可以掛橫額——成功爭取維持長者二元搭車津貼。這個在數十萬計長者居住的屋 而言，乃吸票機也。所以政客只支持Cut Cut Cut無關選票範圍的支出。
另外，佢 也會自自私私。明明香港公務員人工相當高（包括公職機構員工），大有調整空間。不過去到某議員口，又多多理由話唔減得，講到好似好冠冕，指一減，成個社會受連鎖性影響，令人覺得前景好差（而家正是前景好差）。
其實各位議員絕對不應就此發表意見，因有利益衝突也。無他，議員也是公職人員，收政府人工，公務員減人工，佢 必冇得獨善其身。
昨日老朋友晚飯，在座有輔警K，飲 兩杯，呻到樹葉都落，又是有關政府乾塘事？
一眾百厭星揶揄佢成日做醜人，凡行咇就抄牌，似乎冇乜人支持佢咁做，尤其問乜三更半夜，明明車輛唔阻街都抄。
「各位，你估我想咩？我 也有無奈之處。因香港不少人以報警為樂，凡見任何非法泊車，無論任何時間，有冇阻街，一律Call完又Call，Call到有人抄牌為止 」K哥擺明滿肚苦水：「試過有位報警狂，日日我 行咇，佢又行咇， 住個電話四圍巡，不停報警指有違例泊車，呢類『良好市民』，真係好惡搞。」
正是家家有本難唸的經，當司機不停問候警察抄牌時，佢 只可硬食，上述怨言絕對不能講。
