有每日給兒子送飯的廿四孝爸爸，最近做了一件愛心爆棚的好人好事，本著舉手之勞、多個人多雙筷的精神，給兒子隔籬班一位小妹妹搭食送餐而獲網民大讚，也讓網民見識了製作得美輪美奐的公仔便當，人人恨得垂涎三尺。有浪漫的網民還更預言「一段青梅竹馬嘅故事就咁開始」。
相關閱讀：學校小食部驚現「最刻薄」蛋治 事主無奈：嗰蛋想點 定價咁多惹熱議
愛心Ｑ爆飯盒逐張睇 ＋ 網民流口水↓↓↓↓
好人好事每日出兩份餐
樓主早前在facebook群組「香港帶飯關注組」發長文表示，「早排識咗一位家長，佢係一位70幾歲嘅嫲嫲，佢個孫女係讀我個仔隔籬嗰班嘅，有一日同嫲嫲傾開偈，佢話佢個孫女成日都唔肯食學校啲飯，係一啖都唔肯食嗰隻，話好難食，每日餓到放學返屋企夜晚先正正式式食第一餐飯。
我相信每一個做父母嘅聽到呢一個故事，好難唔心痛呢一個妹妹，所以我同嫲嫲講，反正我每一日都送飯畀個仔，不如我煮多一份畀妹妹啦，當搭食又好乜都好啦。所以由今日（1月9日）開始，每日都要出兩份餐啦，小朋友見到公仔飯通常都會好開心嘅，希望你會鍾意食叔叔煮嘅飯啦」。
相關閱讀：食74元叉鵝飯埋單200元免找 網民激讚天水圍無名英雄
愛心Ｑ爆飯盒逐張睇 ＋ 網民流口水↓↓↓↓
飯盒製作美輪美奐
相中見到樓主精心製作活靈活現的蘆筍牛肉卷、魷魚形腸仔、火腿花花，並有由貓貓飯模倒模出來的白雪雪米飯。
網民均大讚樓主「助人助己」、「你很有愛心」、「人間有愛」、「無限愛心」，估計「可能以後越來越多同學想搭食」，建議不如「唔覺意開檔做埋小生意」、「頂咗學校個飯餐嚟做」。
相關閱讀：旺角餐廳搞噱頭推「型男索女餐」 盛惠$XX 網民加碼倡推「麻甩餐」
愛心Ｑ爆飯盒逐張睇 ＋ 網民流口水↓↓↓↓
樓主：即煮即送去學校
另有網民關心午餐的根本性問題——「請問點保溫？」，獲樓主回覆「因為我係即煮好即刻送去學校，所以一般保溫飯盒都OK」。
由於飯盒菜式有腸仔和火腿等加工食物，有網民於是作出溫馨提示，指「廿四孝老豆。不過可以試下預備啲健康啲嘅食物，小朋友食咁多加工食物唔係太好啊（唔係批評你）」、「雖然腸仔唔係健康食物，但唔係餐餐食冇所謂啦。而且呢個飯盒出自一位男士之手，愛心細緻爆滿呀！」。
樓主於是熱心回應和解釋，「明白嘅，因為妹妹今日係第一次食我煮嘅飯，嫲嫲話佢平時好揀飲擇食，咁我想佢第一次食嘅時候有個大驚喜同埋食得開心啲，所以先整呢啲啫，我唔會成日都整呢啲嘅」。
樓主跟進：妹妹鍾意食
另有網民關心事情的後續發展，問「小妹妹肯唔肯食？」，樓主及後回覆「問咗啦，食剩少少，佢鍾意食」。另有網民乘機大呻「我仔相反，學校老師話佢乜都食，菜、肉和飯都食晒。反而返到屋企乜都唔食」。
相關閱讀：旺角茶記雜扒飯竟「無扒」？！呢４樣嘢扮扒賣$ＸＸ 網民震驚：賺到盡！
