昨日提及小弟估電影《誤判》可收三至四千萬元，若如此，必有大量觀眾入場，這兩星期電影主角話題應屬該片，而非《破．地獄》了。
這套戲投資龐大，卡士也相當勁，可觀性高，必定收得，但論電影製作水平，除武打之外，冇乜邊瓣特別出色。
個人估計，下年金像獎，也只得動作設計一項入選，因的確超班。甄子丹乃全球最佳武術指導之一，加上可以親身上陣，排舞老師自己跳埋，肯定好過別人演繹！
《誤判》演員特多，咁有冇邊個可以 獎呢？答案係冇。勉強的話，許冠文可提名「最佳男配角」，但佢在此片水平，比較《破．地獄》仍差少少。不過，扮演法官，亦莊亦諧，有看頭。
男主角甄子丹為全片靈魂， 晒，又如何？演技暫時與影帝無緣。
張智霖罕有演奸角，唔錯，但狠辣眼神不足，也未到 獎水平。
吳鎮宇扮演甄子丹上司，造型與其他電影大有分別，但發揮機會不多。有點失敗為電影大事宣傳佢與甄子丹「隻揪」，抽乜鬼 ，一出拳已知根本冇料到，得啖笑。
其他老戲骨鄭則仕、呂良偉、鄭浩南水準保持，專業演出，交足貨。
令人眼前一亮為汪明荃，扮演律政司司長，令我想起香港唯一做過此位的女性梁愛詩。詩姐就是欠缺汪阿姐在片中的霸氣與官威，詩姐在位時，軟弱無力，難以鎮住局面。
論演員，全片最可惜為朱 康，佢在《破．地獄》中光芒四射，但在《誤判》中，毫無發揮機會，陰謀論者必會認為，因阿康飾演與甄子丹對陣的代表律師，打對台。而甄身為導演，可以操控一切，點會畀你威呀？所以，就變 好似被陰乾咁，唔多起眼就消失 。
