每次說起「吃飯」，早午晚一 難求，巿況旺盛到不得了，總被人罵：「盲目唱好香港。」
又有批評：「咪成日 中環！」冤枉，小弟的活動範圍，仲遠及金鐘/灣仔，間中亦涉足銅鑼灣，但係老實，沒可能每日巡勻十八區，那是政府的責任。
因此得出結論：香港有些區域，可能淡靜，但亦有些區域興旺，你不能粗暴抹煞。
今日仲要包頂頸，一於「火上加油」。事緣本版同文陸志聰醫生（《C私語》），說起「新景園餐廳」的「咖喱豬扒飯」，讚。
記得店址在灣仔春園街，每次經過，常見人排隊，無奈筆者天生躁底，不宜吃咖喱，一於視而不見，直行快閃。
可是，今次陸醫生寫得太吸引，於是冒險從金鐘出發，穿越多條美食街，以及大小名店的誘惑，終於安全抵達春園街20號。
網上說上午11時半開門，居然11時15分已有客排隊，可能是「陸醫生效應」。
等呀等，11時35分迎客，侍應非常有禮，並高效率，很快就有「咖喱豬扒飯」食，名不虛傳。但是對筆者來說太熱氣，埋單，盛惠96元正！不包飲品。
貴啊。對筆者般基層小巿民來說，近100元的碟頭飯，超出預算！
你嫌棄？店外正大排長龍，侍應反應冷靜：「每日都係咁。」
急急找涼茶飲！又話港人「北上消費」、「經濟疲弱」等等？點解星期一中午的春園街，經已是人山人海？
走出大道東，從元朗南下的「合隆潮州粉麵」（秘製胡椒湯），又係大排長龍，情況比「一 難求」更轟烈。
「合隆」初來灣仔時，生意尚可，但是近來變革：加賣碟頭飯及火鍋，難怪生意興隆。可見別口口聲聲唱「完了」，真相是大家都要「變」。
