一個國家的政策，由掌權者制定，落實後好難改，因為要經過這樣那樣的繁複程序。
全世界的官都有一種心態——If it ain’t broke, don’t fix it！多一事不如少一事，因循算數，反正自己在位只得幾年，無謂 上身也。
就此，不少政策雖已過時、擾民，甚或與社會大利益背道而馳，仍很少有高官跳出來，振臂一呼指出任何政策不再合時宜，要改！除非 除非乜？指令由上而下。
小弟多次提出，今時今日香港已「由治及興」，日漸與大灣區連成一體，每周來往內地與香港的各式人等，以百萬計。既然香港乃中國一部分，咁為乜出境入境，仲要搞到「煩過何非凡」（有冇人知佢係邊個？唔知？上網查啦），要搞兩地兩檢？唉，仲兩乜鬼地 。
我從來唔搭港珠澳巴士，正因覺得出入境政策過時又戇居，認真「法國大餐」。
過關時，要在港落車，先出境，行一大輪，再上車，過到珠海海關，又落車，查一大輪，過關再上車，你話係咪煩到人都癲？尤其打風落雨、天氣酷熱，簡直搵過關者（尤其長者及行動不便人士） 虐待！
香港班人大代表究竟知唔知？若唔知就係失職；若知，點解唔加多兩錢肉緊，去推動取消兩地兩檢？
不過，幸而任何政策都會有一個改良契機的，或遲或早總會出現。
如今取消兩地兩檢契機，正是全運會就快到，大量參賽健兒，要不停出出入入進行比賽，主要經港珠澳大橋。若要佢 執正兩地兩檢，實在極度荒謬。
聽講有關方面正加緊研究，用最簡易的方法協助運動員過關。
一旦運動員可以解決出入境問題，相信很快，市民也可享受兩地一檢了。
