近期賽事，最多人談論的並非馬匹或騎師，而是練馬師。
馬迷及馬會最關注的，當然為今季黑過墨斗的黎昭昇，越急越噹 。上周日出八隻，擺明全軍出動搶W，點知 兩場頂頭大熱加一場次熱，全部瓜青，一隻P都冇，你話點交代？你係黎廄馬主會點？
我睇，佢應先玩龜縮，閉門集中精神練兵，反正仍未到季中，時間流流長，渾身解數先撚掂幾匹，逐一放出，起碼有P信心才報名。馬主跟紅頂白，若你有表現，自然支持，冇計，忍忍忍啦。
最弊有比較，兩位也是新及半新的過江龍游達榮及廖康銘，季初已 聲，三扒兩撥交出亮麗成績。
香港外籍練馬師不少，全部性格不同，人品也不同，個別著名「臭檔」兼帶對下屬歧視，這類通常是來自傳統歧視非白人的國家（你自己估啦）。邊個？好易估，總之，凡贏馬自己親身拉馬頭，唔畀副練及馬伕出鏡者就是了，風頭及功勞自己 晒，絕冇團隊理念。呢種胸襟狹隘練者，最多只能躋身中游，難成大器。
對比最強烈的，則為游達榮，佢上周日贏兩場頭馬，過終點後，撲去搵邊個握手？並非老婆，更非馬主，也非騎師，而是副練李子維及其他馬伕，將功勞及光榮齊齊分享。
咁有團隊精神，此馬房必定上下一心，陸續創出佳績，凡出馬優先考慮！
今晚最令人關注的練馬師，繼續是黎昭昇，再空群報名，出六隻，另一隻屬第一後備。咁鬼黑仔，我當然全部避開，但極之有興趣睇佢又一早前被拉倉的「得道猴王」，轉告仔馬房後，兩周前初出即殺入Q，輸短馬頭，今次再臨，檔位甚差，但超班兼有賠率，做膽！
