朋友之中，頗多有趣又幽默之人，其中一位乃香港著名「金牌大狀」K爺。
此君打案非常犀利，經常可以令被告甩身，所用方法千奇百怪，其中一種為查 個官的升遷與放假安排。即係乜？即係假若個官已被通知升職或調職，通常之前會放一段大假，所以，會一百個不願意因一單案而影響佢整個旅遊大計。
若K爺知道，就一於有理無理行使權利，將案拖延 打，希望法官大人心急，想速速完結而作出有利被告的判決。老友，唔好笑，法官也是人，一樣有七情六欲、暗中自私並怕老婆哦 之類 。
另外，平時聚會，無論在座老友幾興奮或酒酣耳熱拗 ，K爺一概只陰陰嘴笑，眼仔精靈四圍碌而不發言。
某次我好奇問佢為何乜都冇意見，又乜都唔插嘴，與佢上庭時雄辯滔滔判若兩人？佢如常微微笑，成個英國古惑紳士款回應：「I never argue without pay, that’s my principle.」
「冇錢就唔拗 ？咁你返屋企，有冇同老婆頂嘴，鋪鋪啞忍？」
「碌Sir，原則一樣。我不是冇意見，其實對事事皆有意見，但一諗到自己打堂案以十萬元計，立即收口，嘩，一講，其實好似將銀紙噴出咁肉赤 ，哈哈哈。同老婆大人一樣，老老實實，佢凡鬧我，十之九九乃情緒高漲亂 ，駁贏容乜易，不過，贏 口舌即係輸 感情，無謂。此時，自己安慰自己，與老婆大人打官司，不單贏 冇錢收，兼且會反面，幾大都唔好制啦 嘛，有冇咁蠢呀？」
K爺為人精靈又聰明，任何飯局老友辯論，我皆只見佢在腦內拆局判斷誰是誰非，但永不出口，或許也是人緣好的一項絕技。
