二十多年前訪問外科聖手,綽號「金刀梁」的梁智鴻醫生,講完正經 ,佢話口乾,跟住 隻杯,開水喉,裝滿水即「 碌 碌」飲光。
當時小弟睇到眼凸凸,因自幼開始,所有衛生書籍皆教市民將水煲滾才好飲,而眼前呢位醫學界巨人,竟違反這理念。
佢見我擘大眼,知我諗緊乜,笑笑口話:「曾先生,香港水喉水好清潔 ,根本唔使煲。我從來都係就咁飲,方便快捷,幾十年如一日!」
當年佢六十歲,今天已經八十五歲,飲水喉水習慣絕無改變,唔似 身嬌肉貴者經常揚言:「只飲法國礦泉水!」
其實非法國水不飲者,有幾多健康過,又或長壽過梁智鴻醫生呢?
多少受佢影響,我亦從來唔飲「貴水」,要飲就飲最廉價普通過普通的樽裝水。
小弟當然知作為一種商品,水可以畀到人一種虛榮感,由產地、包裝、牌子、價錢,全部加埋加埋,搞到 住支名牌水四圍行就感覺好威,似1997年前 份西報通街走一樣。呢種心態冇乜唔正常,但以為咁就高人一等,自己呃自己。
消委會最新測試,將所有牌子飲用水,由三兩蚊支到三幾十蚊支全部化驗,發覺根本冇乜唔同,貴的並不特別對身體有益;平的由解渴到一切效果,與幾十蚊的一樣。
咁講,用幾十蚊買貴水一族,咪有 ?
最近認識一位報攤專家,佢話:「碌Sir,你可知做報攤及便利店,最賺錢係乜?」
「香煙?避孕套?杯麵?汽水啤酒?」我答。
「全部唔係,係水!一支水成本一個幾毫,內\xf9婻A都冇,用膠樽載住就可賣幾蚊,利潤之深,勁犀利,冇乜人知 。」
老友,其實使乜 買水 ,用個樽裝煲過 水飲,效果一樣 。