黃庭桄
近年我訪問了不少藝人，視頻片段都放在YouTube發布，令部分平日鮮有見面的點頭之交，在社交場合碰面時，都多了話題，「我有睇你訪問邊個邊個，捧你場\u35ce！」
特別是早已移居外國的朋友，每當看到我的訪問後，都會WhatsApp我分享體會，又八卦問我：「邊個邊個份人虛唔虛偽？真人係咪靚過上鏡？」雖分隔萬里，感覺依然很近。
昨天我收到余慕蓮的來電，表示看了我最近訪問鍾鎮濤的視頻，劈頭第一句便說：「你做乜瘦\u5497咁多啊？快\u5572食返多\u5572\u5622啦，煲多\u5572湯水滋潤一下，你實在越\u569f越瘦啦！」
在秋意濃涼風吹的季節，收到帶著溫馨味道的叮嚀，零舍窩心。邊聽電話，我邊走到鏡子前。噢！原來我真的很瘦呢！肩膊好像撐不起上衣，活像一個火柴人。
其實由出生到現在，活到一把年紀，我都從來沒有肥過，我還經常拿自己的身材，跟初相識的朋友開玩笑，自稱是混血兒。「真的嗎？你是中國混甚麼外國血統？」
其時，我會煞有介事揭盅。「我其實係埃塞俄比亞混肯雅，你睇一睇我，手長腳長，身上完全無半點脂肪，似唔似馬拉松選手\u5416？我係一個被傳媒行業耽誤了的長跑運動員。」
記得小時候我常被媽媽捉去看醫生，但我明明冇病冇痛喎！「醫生，你可唔可以檢查我個仔，點解佢咁瘦，食極都唔肥\u5605？」
生蟲嗎？生積嗎？食\u5622唔吸收嗎？其實肥又好，瘦又好，只要健康，和有媽媽的愛，便好。
