上周四晨早，照例打開最新上畫表，睇睇有乜電影能吸引我第一時間衝去睇長者早場。
《孤注一擲》？內地片，唔知有冇Feel，先不考慮。《威尼斯謀殺案》？非我杯茶，次選。再睇 ，唔係嘛，仲 ？仲未「磨」夠？講邊套？正是《轟天猛將4》。
呢個系列在2010年開始係威係勢，成班銀幕猛男英雄，為正義執行一項又一項「不可能的任務」，追殺邪惡分子（例菜設計），雖則個個早過 黃金巔峰，但仍充滿魅力，娛樂性相當豐富。
不過，隨著日子過去，添食拍第二集，又 拍第三集，主角們的老態，無論點化妝、點用科技遷就皆日趨明顯，喂！大佬，仲點「轟天」啊？
好啦，到 今天，史泰龍已七十七歲，但佢明顯整容，打Botox打到個面變晒形，仲要出 扮英雄？老老實實，我就有點不忍卒睹 ，當然拒絕入場。
咁，睇邊套呢？咦 呢套啦！
邊套？正是德國金像獎導演瑪姬佩倫最新傑作，真人真事改編的《大偽術師》（《The Forger》）。
電影將大家帶回1942年的納粹德國時期，猶太人全被逼害，故要想辦法逃生。
剛剛有位猶太年輕天才西奧馬，擁有藝術天分，由做軍備到假護照皆非常出色，於是暗暗與地下組織合作，為逃亡的猶太人做假護照，而自己也換來糧食配給券（等於鈔票），可以享樂，甚至追求心儀的女孩。
戰爭片本多殘酷沉鬱緊張冷血，但此片在佩倫炮製下，散發出陣陣浪漫幽默，尤其攝影及配樂，更令人感到舒服溫馨。
《大偽術師》成為柏林影展的「特別展影」推介，絕對實至名歸，乃今個期檔耀眼之作。
德國片，我絕少睇，今次眼前一亮，尤其男女主角，顏值非常高。
