曾智華
近期大熱電視劇，當然是正在ViuTV播映中的《絕命法官》。
起初我都唔多為意，只是見到張家輝不停接受訪問，行出行入飯廳，又見老婆大人在「煲」，好奇之下睇睇。勁！不知幾耐冇試過，港產電視劇能攝住追下去，幾乎飯都唔想食。
此劇本其實拍過N次，原版是以色列製作，之後在歐美、亞洲也有不同版本。如此受歡迎，簡單，正因內容充滿人性矛盾、謀策對比、黑白衝突，全劇在黑暗與正義糾纏中發展。
製作水平比一般港劇高，導演功力不凡，拍出非常強勁的張力。睇完兩集，發覺此片贏在兩位主角，扮演原本正義，但因下錯一個決定而陷入無盡苦惱深淵的法官——張家輝。
張家輝由外形到演繹，皆明顯花了很多心思，尤其拿\u63d1欲語還休的內心掙扎，將觀眾注意力像用磁石般吸住，難以抽離。
另一位製造出極大反差戲劇效果的，正是扮演兇狠無比黑幫大頭目的林嘉華。睇住嘉華由主持《少年警訊》成長過來，之後拍劇，磨\u5413磨\u5413，如今演技已開始出神入化，扮演奸到出汁的惡棍，有一種兇殘霸氣由熒幕中射出，咪話唔驚。
小弟極少（近年根本冇）推薦港產電視劇，今次可以再次\u7793身了，睇啦，冇介紹錯。
此劇成功，當然先在劇本，但整個製作團隊，包括台前幕後，皆遠超一般電視劇。點解同是香港人做監製、導演及幕前，可以去到咁高水準的呢？難以完全解釋。
劇終才知此劇投資極之龐大，單單片尾的工作人員名單及合作單位，已非常驚人。對，用「驚人」真的冇錯，因為加加埋埋應以千計，相當誇張。
但老友，人多錢多，並不一定等於出品勁\u35ce，你睇\u5413《風林火山》就明白。
