(曾智華)
今日講跌，並非股市樓市金市，而是講人。
吾友美麗女教授利嘉敏因出版新書《逆齡生活日常》，被邀四出做分享講座。當中向中年或以上人士的肉緊忠告，為——唔跌得唔跌得！因為一跌就麻煩多多，尤其不幸跌碎盆骨，更是手尾長。
唔跌得，對我\u54cb呢輩長者，屬「阿媽係女人」的基本常識，但不幸，就小弟同輩老友而言，三兩個月就有一位跌得甘兼勁，或成棚牙飛出，或全身損晒，或雙手骨折\u22ef\u22ef
點解？理應人人都小心喎。但\u22ef\u22ef小心也不可能一日二十四小時On the Alert，尤其年紀大，會忽然腳軟冇力，會無情情失平衡，會不覺意踢到小小一級，更甚在最安全家中洗手間也會滑倒。
上周又一老友「大隻盧」爆頭！阿盧年輕時為運動高手，身手敏捷又大大份，至今70開外，仍算Fit。不過，佢\u5b6d大量慈善工作在身，日又諗，夜又諗，連傍晚拖狗散步都諗，諗呀諗，就咁領\u5622。
上周傍晚拖住愛犬，在域多利道邊欣賞日落邊散步，又係諗呀諗，一不留神，右腳踢中路上一小級，加上狗仔被猛力一拉，自動向前撲，就咁，阿盧就失平衡仆倒，剛剛前邊有塊磚，中正個尖角，唔覺好痛，但用手一摸，大鑊，成面血。
立即打九九九救援，對方專業：「先生，你現在流血不止，切勿收線，保持清醒，先按實頸部動脈。」
香港速度，十分鐘內救傷車到，即衝QM急症室。不過\u22ef…不過乜？不過急症室人山人海，止血後分流，要等四至六個鐘，這也是「香港速度」啊。無奈立即轉港怡醫院，全身加腦掃描，傷口縫十四針，終於凌晨三點全部搞掂，當然要留院一晚。
翌日出院，盛惠四萬幾銀呀老友。
