認識不少馬圈內的高人，掌握內情甚多，但絕不會明刀明槍講/寫出，總之一切在心中。見到不平事件發生，絕少MM聲發脾氣，只一句——賽馬就是這樣的，然後來一個會心微笑眼神，不會道出事實與證據。
如今香港馬圈，只有一樣肯定，是「軟硬鞭」可以威晒，冇人能制衡佢。其他？無論練馬師或騎師，到時到候都會有把「天堂」聲音提提你——唔該識做！
亂舉例，早排廖康銘日日贏，贏到離行離列拋離晒，咁就唔多掂，失衡也。故此，就會有聲音請佢Hold一Hold，唔好去到咁盡，留返\u5572飯畀其他人食\u5413，唔該跟「規矩」！
識做識做，立即收韁，學\u5413食白果先，呢\u5572江湖規矩，大家度馬要知道\u35ce。
又例如騎師，除「軟硬鞭」外，無論武功幾高，都會被安排輪流搵食。所以，雖然一日跑十場，但你睇\u5413上周日，高手如布文、麥道朗、巴度、田泰安、班德禮、艾道拿、何澤堯、希威森，以致相當騎得的梁家俊、鍾易禮及黃智弘，全部一隻W都冇。這可能是偶然，也可能是「大局」的一部分，大家跟遊戲規則玩。
另一個觀察，資深馬迷必知，就是高手騎師，一日之內騎三隻或以上來自同一馬房的馬，當中多有皇者興，尤其是布文、田泰安及巴度。
今晚排位一出，大家見到布文突然一晚之內騎三隻蔡神仙的馬，有乜啟示呢？非常可能是蔡廄有W得的馬，交布文做過關纜躉，然後拖其他博博\u5413的邊緣馬。
布文三匹，「魅力寶駒」這老馬最似樣，今季跑四場，一P兩第四，若要盡地一煲，就應是呢場，應有不俗賠率。另外，「首飾悟空」也是高質馬，今季開始成熟，隨時有權突然而來\u35ce。
