曾智華
競選論壇正進行得如火如荼，有人感到冇興趣，話火花不足，欠尖銳辯論。
我又如何？有聽有睇，因發覺當中不少娛樂性。例如各候選人的啦啦隊，有的非常專業，準備充足；有的則似臨時拉夫，騎騎呢呢。後者令我諗起周星馳電影《喜劇之王》金句：「臨時演員都係演員\u569f，精神\u5572！」
今次論壇，聽到如今，似乎老手著數晒，因佢\u54cb經驗豐富，知道選民想聽乜，同時慣\u5497在議會公開發言，對掌握節奏及抑揚頓挫較純熟、效果自然優勝。
新丁方面驚喜的不多，但出奇招的也不少。個別可能受特朗普及最新高票當選的紐約年輕市長馬姆達尼影響，以為選民要乜畀乜就必定掂，但唔知美國政客，有成個專業團隊為佢\u54cb做形象、度口號，兼且未選前做足調查，知道選民期望，配合自己做到乜，才度好選舉時的台詞。
上周聽競選論壇，正正聽到一位新仔，用盡自己時間嗌到聲嘶力竭，並非展示理念，講解如何開展藍圖，而只是度\u5497幾十個——「我要求」口號。揚言一旦當選，就要求政府做乜乜物物，而絕冇提及其可行性，當然更冇提出如何落實幾十款「我要求」方法，只是齋向政府喊話。喂，咁做議員真係Easy Job喎！
我一邊聽，一邊也喊：「我要求立即停止輸入勞工；我要求大中小學全部免費；我要求所有長者入住歐美加拿大高標準的護老院；我要求所有公屋送畀入住十年的老弱傷殘人士；我要求全港免差餉；我要求減八成入息稅；我要求公立醫院全面免費；我要求高官全部減一半人工；我要求全港公共交通收2蚊；我要求打工仔每周工作四天……」
係咪諗\u5413都開心死呢？
