(曾智華)
上月出現些微頭痛事，乃因抹車的阿姐通知：「曾先生，抹埋今個月，不能再為你服務了，謝謝長期關照！」
！咁點搞呀？去邊搵人抹車？
有 ，問大廈清潔阿姐做唔做，以為佢必定接，點知回應：「碌Sir，我呢度收工，即去做街道外判清潔工，人工高 ，你另請高明啦！」
此乃香港精神，有得做就做！最少兩份。
無奈，問樓下管理員阿頭雷公，「碌Sir，易啦！有幾個後生仔接晒呢度及附近屋苑抹車，日日凌晨一至三點 ，手快腳快，介紹你啦。」
正，一聯絡，竟比用開的阿姐平一成。試用一個月，效率高，效果正，從冇甩拖，證明非常專業。
佢 專業，我更專業，提早一個星期畀定下月費用。睇睇佢 張Notice，冇得唔服，呢班後生仔當然用晒先進形式出單及收費，兼且在單上順便宣傳其他服務，包括：中港兩地車牌顧問、高價專收Tesla、汽車全面美容護理
當不少打工仔日日呻呢呻咾時，幸而也有大群積極主動年輕人，為事業不停動腦筋及拼搏，更願日日凌晨出動奮力工作。
我可能老氣橫秋（老婆大人不時訓斥），事實，幾十年經驗，無論經濟幾唔好，仍可見到處處生機，問題你是否肯捱肯學肯蝕底（其實長遠著數晒）。
記得五十年前（是否已經Out到爆呢？），初到美國留學，當時的香港學生不少窮到 ，要自己賺學費，絕不能坐 度等運到，小弟領頭組織願吃苦者，印備宣傳單張，塞入教授們的信箱，內寫：「我們是一群來自香港的清貧學生，願意以低廉人工為你剪草、搬運、清潔 …希望能賜予機會，謝謝。」
有這種謙卑奮鬥精神，怎不生意興隆？
