有灰衣男子被指搭港鐵硬攝入3人座，將3名在座的小童「嚇走」，小童母親即場指斥，灰衣男雖站起身，但竟開著手機電筒照射童母，並以5字囂張地回應其離譜行為，令全網震怒。
灰衣男港鐵逼3小童讓座 小童母出聲竟被手機電筒照射 5字囂張回應全網震怒↓↓↓↓
涉事童母在社交平台發帖公審該灰衣男，她表示，3名小童搭港鐵本坐在3人座位，「灰色衫個位男士夾硬坐落去，令到小朋友唔敢坐，起身畀佢」。
樓主表示，作為3童母親的她即時「出聲」，該灰衣男竟囂張反問：「我有咩問題？」樓主直斥他：「3個小朋友坐3個位有咩問題，你點解要夾硬坐落嚟！」
灰衣男其後終起身，樓主和3名子女又再坐回原位，但樓主表示，該男子「重特登用燈射住我哋」，從照片及影片看到，該灰衣男站起身後開著手機電筒，照射樓主，畫面看到樓主似不時以手擋住，又調換角度，似欲避開電筒燈照射。
事主：佢哋一上車已經勁想坐
有網民質疑樓主提供的影片不完整，未拍到事發情況，亦有該3名小童相片，懷疑事件另有內情：「……就睇呢段影片點解唔影埋三位小朋友？因為會有損自身利益？」樓主則回應只是拍不到事發一刻，並非刻意以偏概全：「因為佢坐落去小朋友個位個時反應唔夠快，咪無一齊合照囉！」 她又強調：「絕對無加多或減少，亦都無老作（你所謂嘅編故事），你覺得無聊可以唔睇，無人逼你。」
樓主又補充：「佢哋一上車已經勁想坐，見小朋友隔離重有啲位就攝落去。」
有網民認為樓主當時應該「報警求助」，樓主表示：「佢後尾都冇再出聲，所以我哋都無再理佢。」
事件掀起熱烈迴響，不少網民批評灰衣男行為：「正常嘅男士唔會咁做……」「真係有好多不知所謂嘅男人！」「佢咁嘅行為，警告完佢再咁放肆，跟住即刻撳掣call列車長！下個站即刻有職員搵佢！」
來源：bgkk830＠Threads
同場加映：東鐵大媽硬坐小童腿上迫讓位 再攝成人兒子插坐 小童反應獲激讚：有教養！↓↓↓↓
