(曾智華)
三十多年前返深圳旅遊，出發前當地親戚警告：「阿碌，你一過\u5497邊境入羅湖，必定見到好多地\u8e0e閒人，或遊蕩，或蹲低食煙吐痰，也可能問你有冇錢換，記住，你一律將佢\u54cb當賊扮！因外省流入的複雜人口眾多，絕少是正派人，為保護自己，全視之為奸人可也。」
到\u5497今時今日，深圳當然並非如此，反之已成全國最先進城市之一，加上監控鏡頭處處，冇乜人再在公眾地方犯法了。
香港又如何？科技興起，AI用途又廣泛又氾濫，乜\u5622都可以由「假」變「真」，簡直是騙徒天大喜訊。加上成本低，收效大，行騙怎不成為一個龐大的「事業」？
上周保安局局長鄧炳強公布，今年頭八個月已接獲二萬八千多宗騙案，損失金錢五十億元。這個數字，你知我知，應該只是冰山一角，好多人被騙後，因種種理由冇去報警。
小弟好奇，為乜鄧局長只披露報案數字，而冇同時公布破\u5497幾多宗、拉\u5497幾多人、成功檢控令其入獄數字\u22ef\u22ef仲有，能夠起回幾多贓款呢？點解唔一併講埋呢？
騙徒乃非常精明，又能跟上時勢一族，故此，行騙內容會與時並進。
熟悉騙徒運作方式的「專家E」專誠搵我：「碌Sir，拜託你快快散出去，因騙徒肯定已摩拳擦掌，利用匯豐私有化\u6052生銀行作最新行騙手段。\u6052生客戶百萬計，一百個中一個已是個大水塘。」
E哥估計，騙徒會發出十萬計電話，內容為：「早晨，我係\u6052生銀行職員XXX，相信你都睇到新聞，匯豐銀行會將\u6052生銀行私有化，為確保閣下存款安全，請盡快將所有存款轉走，即按以下連結啦。」
今時今日，對一切陌生來電或訊息，全部唔開唔聽唔覆最安全，照做啦。
