(曾智華)
幾十年前加入政府，不時聽見公務員「老是佛」呻：「碌仔，做我\u54cb，一定比市民鬧。做得好，奉旨\u5605，應該\u5605；做錯少少，必定鬧爆。所以，記住咪多事，做阿公\u5622秘笈，一定要唸熟：If it ain’t broken, don’t fix it！以及Let the sleeping dog lie。」字面已解釋晒，總之一句——咪多事，冇事唔好搞事。
當時小弟滿腔熱血，準備大展拳腳，以上的教訓，恍如一盆冷水淋下，大佬，年輕人朝氣勃勃，你教我縮骨？
好\u561e，十多年過去，人老精，鬼老靈，對官場規矩開始掌握一二，領略到乜叫「不以個人意志為轉移」。總之\u5622就照做，但勿夾硬來，也不期望市民讚，因公務員份人工，已包埋畀市民鬧，明嗎？
以上只是2000年前的心態。今天又如何？文化已轉變，唔好咁多事，仍在官場流行，但市民隨意公開鬧及批評政府，就少\u5497好多喇，因開口前，個個諗諗有乜後果先。
我又如何？幾十年政府及傳媒經驗，相當清楚紅線在何方，並不覺得政府不能批評，只是謾罵及涉及國家安全就免\u561e。
其實任何政府做得差，大家應照樣指出，傳媒更應監察及施壓要求改善。例如早前的冒牌水事件、醫療失誤事件，以及更遠的美斯事件等等，不應放過。
最新一單，當然正是盛事變蝦碌的熱氣球事件，連一向祥和的本報，也罕有上周六在頭版大力鞭策——入場者批評「衰過美斯」。
呢單真令人氣憤。大家可知，1977年，即近五十年前，香港已曾在可口可樂贊助下，於一個公共屋\u90a8空地，將熱氣球載埋人成功升空。今天點解會撻Q？邊個企出來問責？
