有網民在太和廣場的一部ATM提款機，懷疑險遇騙，他分享經歷指其父親在入卡後，畫面竟自動彈去轉帳頁面，這時發現剛才前面提款男子竟未有離去，而是在隔鄰舖頭「一直望住櫃員機方向」，其父親警剔即離去，該男子馬上返回櫃員機，懷疑有不軌企圖。
事件引發網民熱議，事主發帖分享事件呼籲網民提高警覺：「盡量留意一下同提醒一下老人家撳錢嘅時候隨時中招。」以下為事發經過：
太和ATM機提款竟自動彈去轉帳頁面 前排男1行為勁可疑 街坊揭疑險遇騙：老人家隨時中招↓↓↓↓
有網民在「大埔人大埔谷」FB專頁發帖表示，其父親在上周五（22日）於太和廣場一部ATM機提款，當時前面有一名男子剛好提款完畢。
樓主父親上前撳錢時，入卡後「佢就發現點解個頁面會去咗轉帳度」，「佢以為自己撳錯所以取消再撳一次」。樓主父親這次「撳查詢餘額」，但畫面「都係彈咗去轉帳頁面」，其父親「發現唔正常，就撳返張卡出嚟去第二到攞錢，而第二部機所有嘢一切正常」。
兩次入卡均現轉帳頁面 前排男去而復返
樓主表示，當提款機畫面出現異常時，其父親發現剛才前排男子原來並無離去，只是「行咗去隔離嘅舖頭扮睇嘢，但一直望住櫃員機方向」，事發時樓主「阿爸已經留意到呢個人一直望住佢」，當樓主父親發現異常離開後，「佢亦都見到嗰個男人行返去櫃員機度唔知睇啲咩」，樓主高度懷疑該男子有不軌企圖：「希望大家睇到呢個post之後，盡量留意一下同提醒一下老人家撳錢嘅時候隨時中招。」
帖文引發網民熱議，不少人懷疑該男子「可能已經係入卡位裝咗scanner，讀取資料」，「佢哋會喺入卡位加個讀卡器喺度，你用完提款機後佢份掹走舊嘢，就已經攞咗你啲資料㗎喇！」
網民籲報銀行及報警
網民呼籲樓主即時通知有關銀行及報警：「呢種情況一定要報銀行或者報警。」「首先你哋要改咗密碼先，再話返俾銀行知有咁嘅情況。」
網民又讚樓主父親醒目：「好彩爸爸識字，如果唔係咁識字嘅老人家應該唔知發生咩事當撳錢咁。」但有網民指當時若懷疑有異常，便不應入卡，「醒目就唔好埋去撳，佢張卡可能俾人讀咗，密碼亦都俾人影到。」「既然你阿爸有懷疑仲去用？！咁可能人哋已經讀咗你張卡，同影低你撳密碼……」
不過，有網民則認為事件可能並非詐騙：「部機無現金提取就會係咁 直接轉去轉賬畫面，有提示不過可能佢冇留意。」至於該名可疑男子「可能佢都係咁，所以望下你爸有冇撳到錢 ，不過小心啲都好。」
同場加映：港鐵站ATM提款離奇被搶 港男1方法撳錢身後女子藉此搶走：啲錢唔係你！網民：知識唔夠？↓↓↓↓
