有網民搭巴士罕有遇到兩部收款機同時故障，車長雖向上車乘客表示「唔使畀」，但全車乘客最終卻無一人走數，目擊網民驚讚港人高質：「香港人嘅高質有時係喺小事到反映出嚟！」
以下為事件經過：
巴士收款機故障車長表示「唔使畀」 全車乘客1行為盡顯港人高質 目擊者驚讚：冇一個人走數↓↓↓↓
有網民在社交平台發帖表示，返工搭巴士時，「一上車司機就話：『八達通機壞咗，隔離部機 (即係比credit card / xx pay嗰部) 都壞埋』」。巴士上兩部電子支付的收款機同時故障，情況罕見，這時巴士車長向上車乘客表示：「大家上車得喇！唔洗畀！」
樓主表示，當時現場乘客未有因此佔便宜，反而「好多人問司機：『如果畀現金一程幾錢啊？』」，乘客均自律以現金付款，至於現金不足的乘客竟亦有其他人幫手代付：「最後出現嘅畫面係：有現金嘅畀現金；冇現金嘅前前後後乘客話幫手畀住先，聽日等車見到先畀返佢。」
「冇！一！個！乘！客！有！走！數！」
至於身上沒有足夠零錢的乘客，「有啲冇散紙嘅，前前後後嘅乘客話可以幫手唱，又或者係：「我加埋你 / 我加你加埋佢夠畀，你入錢，我地畀返錢你。」樓主驚訝地發現，最後「冇！一！個！乘！客！有！走！數！」，雖然因此巴士須因乘客掏現金要稍為等候才開車，但樓主說：「雖然因為等大家畀錢……嘅時間耐咗，但我願意為呢件高質事件而等待。」
樓主在回應網民時強調，乘客付款為自發行為：「其實司機一上車已經講咗唔使畀，係乘客自發畀㗎，司機冇要求過要乘客畀錢。」
其他車長亦分享港人高質事件
網民熱議事件，有車長留言其實亦遇過這類港人高質事件：「真，香港人高質，做pt車長時試過壞哂機無車換，站長叫照行走轉義載，行咗三四個站八達通機突然得返，有乘客見到無叫其他人，自己默默走上黎嘟返，跟住其他乘客聽到聲 好多人一個個行上黎嘟返，上層都走落嚟都嘟返先落車。」
該車長表示雖然當時並非「全部人嘟」，「但無人叫嘅情況下 大約七、八成人嘟咗，係香港人嘅自律。」
有網民亦表示，這情況「早幾年試過，大家都肯畀錢……好多人都話『搭條線咁耐，無理由要司機難做啦』……」
有網民亦謂，曾遇過「八達通機壞咗」，「司機都係話：照上得喇唔使俾，上到車揞散紙比錢，司機猛話唔使，但我都係照身上有幾多就比幾多！有啲乘客話唔夠爭幾毫子，有啲就話我可唔可以明天補返！」
網民紛紛留言認同樓主看法：「香港人嘅高質、自律，唔係流㗎。」「真，香港人係好唔鍾意欠人嘢/佔人便宜嘅感覺。」「真係，香港人先咁高質！」
來源：shhh.yanyan＠Threads
同場加映：罕見「意外」搭巴士遭扣款兩次？事主發文警世籲小心用一隨身物「嘟錢」引議↓↓↓↓
