網絡昨日（19日）瘋傳一名貌似知名藝人「盧海鵬」的長者，在港鐵逼一名大肚婆讓座，女事主嬲爆大控訴，指當時隔離有人讓位，對面亦有空位，但該長者仍拒就坐，並「手指指我……話我後生要我讓……話呢個位係老人家坐！」
這位孕婦與A貨「盧海鵬」爭執掀起熱議，由於女事主稱本身「未見肚」，在要求讓座後，才解釋懷孕，而該長者亦聲稱「無人知你大肚」，網民對事件反應兩極。女事主拍下當時爭執過程如下：
A貨「盧海鵬」逼大肚婆港鐵讓座 隔離位讓座拒坐 女事主：佢指著我係要我讓 ↓↓↓↓
該名懷孕女事主昨日（19日）在社交平台發片發帖表示，她搭港鐵當時坐在關愛座，「本身懷孕初期未見肚亦唔想講」。
女事主強調關愛座絶非專屬座位：「但我唔覺得大肚先坐得（關愛座），就算我好人好者，有唔舒服有需要坐，使唔使向你解釋？」
她表示，當時「插住airpods」，跟住見到該長者「手指指我」，她除下耳機，即被該長者指責，「佢聲稱問咗我幾次……我隔離位起身佢都唔坐，話我後生要我讓，對面又有人起身又唔坐，話呢個位係老人家坐。」
女事主表示，當時「我不停講我唔可以有需要？？最後先忍唔住講係懷孕」，該長者反駁「話冇人知」，女事主批評：「我點解要話畀你知？？」該長者繼續指責她「話要坐一定要有理由，因為呢個係老人座」，女事主嬲爆說：「佢話問就一定要答，咁惡嘅啲廢老。」
女事主：「我依家好驚呀！」
女事主公開當時雙方爭執的影片，片中女事主拍著該名貌似「盧海鵬」的長者，大聲說道：「我就大肚嘅，依家呢個人就大大聲指住我，逼我讓座，我依家好驚呀！」
該長者即指著她大聲反駁：「無人知你大肚，唔好亂咁噏，無人知你大肚，你未話畀人知道！」
女事主再說：「你睇吓呢個人幾惡呀，啲廢老就係咁樣！」
A貨「盧海鵬」：「無人知你大肚，你未話畀人知道！」
該長者聞言反駁道：「人哋只係問你啫，一啲都唔惡！你恃住咁嘅樣，唔怕，你認清楚啦。」
女事主未有理會他，鏡頭轉拍身旁無人坐的關愛座說：「（佢）手指指呀，同我講呢個位係老人家先可以坐呀！」
該長者繼續申辯：「唔緊要呀，你無講到一樣嘢，人哋問你……」
女事主：隔離姨姨都忍唔住講「其實我都讓咗畀你啦」
女事主其後在帖文中反駁，指有網民認為「我未見肚冇人知，叔叔問下好正常」，她強調，當時在她「解釋」自己是孕婦前，其實「隔離位已經起身，但叔叔堅持要我讓」。
「解釋後叔叔都唔賣帳，先會發生對罵，連隔離姨姨都忍唔住講：『其實我都讓咗畀你啦，人哋真係無必要向你解釋。』」
此外，女事主亦重申：「我唔覺得孕婦先坐得……只係我有位咪坐囉！到你批鬥我時我亦真係有原因，正如叔叔都睇唔到幾有需要，都覺得自己好需要呢個『老人專屬座』。」
網民反應兩極：你唔講清楚 點知你有需要坐？
事件引發熱烈迴響，網民反應兩極，部分網民認為該長者不知道女事主懷孕，當時只需解釋便可化解紛爭：「其實同佢講聲自己懷孕唔舒服要坐就可以，唔需要動氣勞嘈，更加唔需要拍片擺上網。」「寫住「優先座」，老人當然有優先權，你大肚冇人知，人哋問你你唔應。」
「你唔講清楚人哋又點知你有需要坐呢？ 下下都攞手機出來錄影拍片只會令到衝突升級，根本無助解決事情。」「可以講一句，話自己唔舒服需要坐就可以，你一句聲唔出都唔見得好有禮貌。」
女事主：有需要坐，想坐咪坐，冇咪企囉！好簡單！
女事主回應表示，當時插住耳機「聽唔到」，「都係靠佢手指指先知同我講緊嘢」，她重申未解釋前其實已有空位：「你(指該長者)亦已有位坐，點解要逼我向你解釋，我為咩坐咗個老人坐？」「我強調咗關愛座唔係孕婦先坐得or特定某人先坐得」，「有需要坐想坐咪坐，冇咪企囉！好簡單！」
女事主又表示：「係佢唔放過我，我先會拎電話出嚟影住，我保障自己。至於需唔需要放上網，唔到你評論。」
網民：不如取消關愛座/ 優先座，成車滿晒啲人又唔敢坐
部分網民則力撐女事主，認為關愛座不是強制座，有需要有位便坐，無需要向人解釋原因：「點解要同佢講有BB，樓主已經講咗有需要。」「點解要同人交代自己身體狀況？」「可能要印件tee寫住孕婦。」
有網民亦表示曾在懷孕時亦被長者逼讓座：「我都試過懷孕初期俾個廢老指住我，鬧我唔讀書又乜乜77，我係唔讓呀你吹咩？」「我依家都36週，有關愛座我一定會照坐，我都想睇吓有冇人夠膽嚟挑我機。」
有網民又建議取消關愛座：「其實不如取消關愛座/ 優先座，有時成車滿晒啲人又唔敢坐。」
來源：_iwtpag__＠Threads
同場加映：「香港啲優先座對老人家還有效嗎？」帶80歲父北上公審東鐵2女不讓座 港女感嘆掀爭議 網揭關鍵謬誤↓↓↓↓
