有為食狗將100元紙幣當飯食，吃掉主人半張中銀香港發行的百元鈔票。為尋回金錢，狗主勇敢地在狗糞中尋寶，最終成功還原鈔票後，卻驚覺失掉一重要標記。詳情見下圖及下文：
為食狗吃掉半張$100紙 之後竟然咁樣排出 狗主糞中尋寶還原 驚覺失掉一重要標記逐張睇↓↓↓↓
樓主：我隻狗真係識食
樓主先於本月6日在社交平台Threads以「$100」為題上載相片發帖，指
「話說琴日見到我隻狗咬咗張$100，然後啱啱屙返出嚟。但都係冇用。。。我隻狗真係識食，食100紙。我仲要攞手套執返佢嚿屎同張$100」。
到前日（15日）樓主再上載相片發帖講述後續情況，稱「上次嘅後續，我隻狗屙返出嚟，最後唔見咗個角。下次去換銀紙嘅時候應該要噴下香水，費事你聞到浸屎味」。
相關閱讀：收銀員拒收貼膠紙「受傷」50蚊 顧客貼圖公審反遭網民圍攻 按入去睇處理爛銀紙官方說法
直腸直肚排碎片出體外
識食的為食狗把鈔票左右兩邊吃掉，只餘中間部分，直腸直肚的狗狗之後把銀紙碎片排出體外。為尋回掉失的金錢，狗主唯有戴上手套，勇敢地在米田共中尋寶，發掘後見到花碌碌的紅色鈔票捲曲在糞便內。
樓主經一輪功夫取出鈔票並作清理後，拼貼起碎片還原100蚊紙，最終卻發現100元字樣位置，剛好丟失了一個0字，變成10元。
回應的網民笑指「嚿屎市值$100」，同時也發現「少咗個0」，表明想
「等下集，睇下換唔換到」；不過有人卻認為「拿回去銀行，職員也未必敢碰⋯⋯（手套！我要手套！）」。
相關閱讀：茶餐廳拒收披口廿蚊紙 食客嬲嬲 爛銀紙究竟用唔用得？
網民分享：我隻當年碎咗我媽$8000
有人則替狗狗代言，稱「隻狗嘅眼神講：未食晒，食咗$50啫」，並安慰樓主「好彩佢係食張100蚊紙，若果佢食1000蚊你就喊啦」。
有網民上載相片，分享被愛犬咬爛100元紙幣的類似經歷；另有人透露「我隻當年碎咗我媽$8000，好彩拎去銀行換得返（淨碎全部砌得返）」。於是有人正經地上載金管局的資料，指「可以拎去銀行換」。
還有人作出具建設性的建議，「每日減狗糧嘅量，減到慳返100為止」、放上拍賣行，標榜「銀紙有故（屎）可能值錢」。
紙幣爛咗點算好？ 官方有說法
紙幣爛咗點算好？香港金融管理局曾引用情景題講述「紙幣爛咗點算好？」（https://www.hkma.gov.hk/chi/news-and-media/r-and-m-column/2018/11/column-20181116/）——
•阿四：有讀者寫信嚟，話屋企小朋友唔小心將十蚊紙幣對半撕爛咗，問可以點做？
•小森：佢可以拎返去發鈔銀行換。銀行會按既定嘅準則嚟驗證真偽同損毀程度，例如會驗下張銀紙係咪真鈔、睇下防偽特徵仲係咪完整、損毀面積有幾嚴重等。一般嚟講，如果無以上呢啲問題，銀行都會換返錢畀市民嘅。
資料來源：_.wingkaaa._＠Threads
相關閱讀：存錢機咬住唔放 「金牛」慘遭分屍 網民憂$1000化為烏有↓↓↓↓
存錢變食錢？有網民今年初在facebook群組「大埔 TAI PO」以「好搞笑」為題，上載一張於存錢機前拍下的相片，當中見到「金牛」遭分屍的慘況↓↓↓↓
