充電器（又稱尿袋）冒煙、起火，都叫人嚇破膽，更何況是爆炸。有形容自己為「劫後餘生」的港女昨日（7日）在網上講述驚險的家居充電器爆炸事件，激起網民更加重視使用尿袋時的安全意識。詳情見下圖及下文：
「尿袋」突爆炸砰一聲嚇醒 港女：幾乎燒到上天花板 外殼燒黑觸目驚心逐張睇↓↓↓↓
相關閱讀：長髮女霸港鐵「職員專用」插頭叉手機？ 網民嘲江湖救急
樓主：尿袋爆炸 砰一聲嚇醒
樓主在社交平台Threads上載相片發帖，指「劫後餘生的一天。今朝尿袋爆炸，砰一聲嚇醒然後睇住佢啲火差啲燒到上天花板了，嚇到尖叫咗10秒」。
樓主憶述「唔知可以做咩下意識衝去廁所攞盆水熄咗火，淋完先醒起好似唔可以用水」。最後樓主坦言「救命依家驚魂未定，諗起自己頭先差啲死嗰下依家嚇到Xk」。從上載的相片見到，不但尿袋外殼燒焦，遺下大堆灰燼，還波及桌上其他物品，包括事主的化妝品。
在回應網民查問時，樓主原本指出了涉事充電器的牌子，後來留言澄清「我冤枉咗呢個牌子，頭先喺自己袋搵到呢個尿袋，原來爆炸係另一個brand（牌子）來的（細佬買），等佢返嚟我再問下係咩。但呢個post（帖文）嘅目的都冇變，勸喻大家唔好再淘寶買啲不知名牌子尿袋」。
相關閱讀：傳呼機回憶殺 Call機型尿袋可互傳短訊？ 網民念念不忘呢一句……
樓主：尿袋正正常常之前無脹起
有網民查問「你個尿袋爆之前有冇咩異樣例如脹起咗之類，定係正正常常但突然爆？」；樓主回應稱「無啊正正常常，本身唔係成日用，所以爆咗我都覺得有啲突然」。
另有網民指情況「好恐怖」，好奇「有冇報警call（召喚）消防？定係你自己一個救熄咗？」；樓主回覆「無啊，啱啱開始爆就整熄咗」。有好心網民則提醒「真係唔好叉過夜，外置充電我一定喺家又清醒時先叉」；樓主真心受教，表示「依家會了」。
其他網民則連番安慰，指「人無事就得」、「好彩平安！」、「好危險好彩冇事…..」、「嚇死，人無事，安全就好了」；另有人「謝謝警世」。
使用外置充電器安全須知
因應尿袋的使用，消防處和機電工程署均有提供「使用電子產品或外置充電器安全須知」和「充電器安全須知」的資料。其中消防處提到↓↓↓↓
(1) 不要將火牛長期接駁電源，使用後應隨即拔走插頭。
(2) 如發現火牛在操作時發出高溫，應立即拔走插頭並關閉電源。
(3) 為外置充電器充電時，不要同時利用該充電器為其他裝置充電，以免充電器超出負荷。
(4) 避免讓外置充電器受到碰撞擠壓，否則零件可能鬆脫或移位，引起短路或燃燒。
資料來源：emilycbyee322＠Threads
相關閱讀：大媽天星小輪偷電煲電話粥 1方法偷插船頂插蘇 水手接舉報咁處理↓↓↓↓
有網民直擊7月13日有大媽在天星小輪「偷電」煲電話粥，小輪船頂高過人的插蘇，竟被大媽想出方法，偷偷插電為手提電話叉電，目擊網民表示自己「淆底冇出聲」，「同船都冇人出聲」，但水手其後接獲舉報並作出處理↓↓↓↓
