國際球壇傳奇、「呂布」伊巴謙莫域雖已掛靴，但狀態依然好fit！繼早前喺尖沙咀海旁輕鬆跑步展現驚人活力後，前日 (7月26日) 呢位一代神鋒更到訪昂坪360，以行動證明佢「神一樣的男人」絕非浪得虛名！
伊巴選擇咗全景纜車登頂，欣賞透明車廂外嘅大嶼山絕景。伊巴明顯氣定神閒，巨星風範出晒嚟！
嚟到天壇大佛腳下嘅 268級長命樓梯，正當大家以為佢會慢慢行上去時……伊巴喺最後廿級用輕盈小跑衝上平台，再360度旋轉面向鏡頭拍攝IG Story，對住鏡頭喺大佛面前露出招牌自信笑容！
國際球壇傳奇伊巴謙莫域訪昂坪360。
國際球壇傳奇伊巴謙莫域訪昂坪360。
國際球壇傳奇伊巴謙莫域訪昂坪360。
慕名而來睇波嘅花式足球員Yonna亦到有到訪昂坪360。
早前美國華裔棟篤笑喜劇演員歐陽萬成亦都選擇專程到昂坪360。
名人+1！ 繼歐陽萬成後 連神鋒都揀昂坪360
昂坪360一直係名人體驗大嶼山文化同美景嘅熱門選擇！早前美國華裔棟篤笑喜劇演員歐陽萬成亦都選擇專程到昂坪360體驗全景纜車同探索昂坪市集。
今次香港足球盛會為香港帶來唔少外國名人到訪，除咗神鋒伊巴，慕名而來睇波嘅花式足球員Yonna亦到有到訪昂坪360，仲即席喺全景纜車表演花式足球，證明昂坪360嘅體驗夠晒「星」級，無論係想輕鬆觀光定挑戰自我嘅名人同旅客都啱晒！
