曾智華 精彩人生自己創
市面上食肆執笠潮，執到人心惶惶，仿似有傳染性，你執我又執，真無奈。
西環某名牌潮州菜，雖然晚晚旺場，但見到行家如此，也非常冇癮。昨日老闆娘來訊息：「碌Sir，今次真係未見過，飲食業悲歌肯定陸續有來。交雞蛋來的貨家話日日喊到天光，因如此落去，將輪到佢執笠喇。」
不過又話分兩頭喎，可能真係執十間開一間，灣仔「正潮樓」就選此時「生仔」，在銅鑼灣新寧道開分店，通知小弟，請到國寶級潮菜大師王龍生坐鎮。
好\u5416，稍後又去幫襯\u5413，睇睇此店為乜可以逆流而上，人\u54cb執笠佢擴張。
事實，如今香港通街吉舖，負資產及新樓業主撻訂不斷增加，乃鐵一般的事實，至於失業大潮會否洶湧而至，尚待觀察。但肯定呢個浪會沖走不少二三四線富豪，來次大洗牌。
感覺上，香港整體經濟真係好鬼差，行行無望，但這又是否全部？當然唔係！
此時有一個產業特別興盛，正是「大學業」。間間大學開的碩士課程，皆「好生意」到不得了，尤其是工商管理學系的MBA課程，非常吃香，郁郁每位報讀學生都收二三百萬元。
香港的大學，有幸全部列在世界排名榜，加上中美角力，不少內地學生本來去美國的，為免麻煩及不想被特朗普玩殘，決定改來香港報讀，一時間不少大學出現「大水漫灌」，悶聲發大財。
某權威學者話：「碌Sir，其實我\u54cb若肯改用中文授課，可搵更多錢\u35ce，因現在仍有不少內地學生的英文講寫程度未達水平。」
不過，大學有大學的「自尊」，例如香港大學及科技大學，堅拒放棄英文教學。
但有一間肯用中文，立即發達，頻頻買物業，邊間？你自己查啦。
