(曾智華)
N年前初入政府，已有師傅忠告：「碌仔，做公務員，無論下至薪級表第一點到最高點，皆會有一定公家權力，當你有任何公權時，就肯定Bound to be Corrupted，全世界皆如此，你千祈要小心，因一開始『收』，等於被對方 住，以後想公公正正行使職權就好難 喇！」
師傅指出，利益輸送有N咁多途徑，其中一種為某些富豪最常用的，就是凡見到你在同一酒樓晚飯，就靜雞雞埋 你張單。所以，為免無端端受人恩惠，能阻止即阻止，若在不知情下發生，也應事後「回水」，清清楚楚。
做公務員，若不規行矩步，真係好易領 ，所以經常要打醒十二分精神。好啦，咁離開官場又如何？好朋友你請 我，我請 你，當然經常發生。
小弟有一對非常佩服的醫學界L教授夫婦，著名好客，乃本欄長期讀者，久不久見我介紹邊度有好 食就發來訊息：「碌Sir，可否帶我 去呀？仲有，叫埋你班傳媒兄弟姊妹 ，多 人可以試多 ，更加開心。」
L教授已八十開外，仍日日在頂級醫院替人開刀，兼可以 車呢度去、 度去，犀利。另佢對公共服務也非常熱誠，從未推過，令我服晒，絕對有其因。
論家境，教授夫婦非常富裕，故堅持次次請客。不過，兩次之後，小弟表示咁「玩」唔長久，一定要輪住請大家才開心。終於約 下周去喜萬年食頂級乳豬全體，呢餐話明要羅漢請觀音。
點知昨天經理來電：「碌Sir，L教授太太靜雞雞放低信用卡，話一定要埋單！」
「唔得！你保密，我即來先埋，你食完再通知佢啦！」好彩經理乃老友，提早通水。
江湖真情相交，請你唔好替我埋單。
