有元朗港媽在「拼多多」買生果，收到自提點職員私訊她說：「上次已經叫咗你唔好買生果」、「你勁你連西瓜都買到，我做咁多年第一次見」，言論惹火，職員要求事主晚上即時來取貨，否則可能要付清潔費，令港媽嬲爆。
不過，網民竟一面倒反撐自提點的職員「無講錯」：「夏天真係搞唔掂，生果勁易爛。」「咁冇辦法喎，天氣咁熱，佢驚會爛好正常喎。」涉事自提點位於元朗尚悅．方。
港媽「拼多多」買生果自提點私訊串爆：「上次已經叫咗你唔好買生果」「你勁你連西瓜都買」後續更惹火 網民竟撐店家無講錯↓↓↓↓
涉事港媽昨（9日）在「拼多多開心share分享群」FB專頁發帖，公開與該自提點職員的私訊對話截圖。該職員在晚上9時53分私訊樓主，問她是否到自提點來取貨：「你有幾盒生果到咗你攞唔攞貨，等埋你。」
樓主突收到私訊感震驚，回覆說：「而家？」「係咪而家可以取？」「明早拎可唔可以？」她又告訴職員指有關貨是「橙來的」。
職員：明天恐防要畀清潔費
職員再回覆說：「仲有西瓜喎。」指樓主訂的「幾盒生果」不只有橙。職員再表示：「因為天氣好熱呀，你啲貨已經係7月4號發貨，今日先到香港。」他隨即指出：你（即日）唔攞嘅話，明天恐防要畀清潔費。」
要當時晚上10時多即刻出門去提貨，港媽感到為難因為有孩子要照顧，她回覆說：「但係而家小朋友都瞓晒la。」自提點職員聽到樓主回覆，竟留言說：「我上次已經叫咗你唔好買生果。」樓主即反駁道：「你話即日取。」
當時已晚上10時22分，職員繼續留言駁火：「如果你啲生果唔變壞唔漏水咪冇問題囉。」更揶揄樓主：「你勁你連西瓜都買到，我做咁多年第一次見。」
樓主：係我拼水果中毒太深，定係自取點揀客？
樓主在帖文中無奈表示：「起初講即日取 ，後尾即刻取，仲叫多句唔好買，到底係我係群見大家拼水果中毒太深，定係自取點都揀客呢？」
帖文引發熱烈迴響，網民竟一面倒留言反撐自提點的職員，並與樓主爭辯起來。
有網民表示：「人地好心提你咋喎，人哋仲話等埋你，老馮一定要等你咩……由你啲生果爛，其實真係咁熱，鮮花水果都唔建議啦，拼得淘等即日拎都係常識……」樓主反駁指店家「8點半收舖，9點幾發信息嚟」「正常人都無預計過收舖後可以取」，樓主又說：「你認為生鮮食物不可寄其實都係橙同西瓜啫。」
趁小朋友瞓晒去拎貨？樓主與網民駁火：獨留兒童在家係犯法架
有網民說：「好明顯已經爛果發臭騷擾到人哋。」樓主不認同指「你有目測到西瓜放幾日爛咩」。
有網民認為樓主「唔係趁小朋友瞓晒，先要嗱嗱臨落去攞咩」，樓主強調「獨留兒童在家係犯法架，我果個仲係手抱」，樓主批評：「自取點唔想收生鮮食品，可以寫明，唔係關咗門點貨見到叫人即取掛。」
有網民斥責樓主「西客」「世界級自私」，「好心提你仲要公審人，PK得你。」樓主反駁說：「咁好老實，你可以自取點定規矩架，無人會唸到你9點幾收貨，8點收舖，要即刻拎架嘛……」
不少網民認為天氣酷熱，生果等易爛食物，不建議網購，「其實香港而家買西瓜都好平啫」，「夏天真係搞唔掂，生果勁易爛」，「閣下當自取點係迷你倉嗎？仲要係生果，自取點態度咁好，仲話人。」
多區自提點儼如「果欄」 仲有薑蒜皮蛋
由於內地網購平台「包郵到港」，多區自提點已儼如「果欄」。社交平台網購群組，不少人圖文並茂分享，經拼多多「拼」水果、薑、蒜及皮蛋到港，價格超值。
有集運自提點指，內地網購路途遙遠，加上天氣炎熱，部分水果到港後腐爛發臭，還招來蒼蠅；蔬果業界亦指，本港入口食品有嚴謹的檢疫制度，網購貨物或來源不明，安全成疑，呼籲市民小心選擇。有律師提醒，若遇食安事件，市民恐追討無門。
相關新聞：每日雜誌｜腐爛發臭擠爆自提點 內地平台「拼」水果 路途天熱變質招蒼蠅 業界指來源不明應慎選
相關熱話：網購300磅大雪櫃禍不單行 苦主爆集運公司5宗罪 送貨撞爛燈又爆玻璃 仲教賤招向商家卸膊｜Juicy叮
同場加映：日本買電飯煲返港即插即用傳𤓓味 瘋傳事發組圖掀熱議 事件遭踢爆疑造假↓↓↓↓
