拼多多電商平台與香港順豐6月30日終止合作，市民需使用其他物流公司服務。近日多個地區自提點排滿等待取貨的市民，在坑口區南豐廣場的自提點近日亦逼滿市民。《星島頭條》記者下午前往坑口南豐廣場自提點，發現約有逾100人在場排隊等候取件。有取件市民指排隊逾一小時「好嘥時間」，強調「Time is money」；自提點負責人指每日約有1,500至1,600件貨到店，期望兩、三日內可以「散晒啲貨」。
市民埋怨 : 等咁耐好嘥時間
梁太表示已排隊1小時，雖然今次只是幫朋友取件，但仍然覺得排隊等待如此久「梗係唔抵啦」，強調「Time is money（時間就是金錢），等咁耐好嘥時間」，又指自己平日沒有網上購物的習慣。
林先生：玩呢個遊戲嘅人都係鍾意佢平
附近居民林先生表示，近日取貨情況十分不正常，稱早前家人亦有前來取件，惟人龍打蛇餅，「好似今日咁，轉咗一個彎，再轉一個彎，再去到後面呢個位，好唔正常喎」，指以往毋須花如此長時間等候。他續指，近日網上已經流傳差不多需要等3、4小時才可取件，期望今日可於1個半小時內取貨。
被問及等待長時間，會否增加購物的時間成本，林生指「無人預知未來嘅，突然變咗咁嘅性質都係突發事件，無人控制得到，咁都會嬲嘅，排成個鐘喎」，惟認為「都無辦法都要適應」。他稱今次網購的貨物是「晾衫夾嘅日常用具」，強調「一向玩呢個遊戲嘅人，都係鍾意佢平囉，自己購物嘅原則不嬲都係有啱自己用嘅先落order」。
鄧小姐則表示，今日前來替爸爸取件花費近一小時，早前已聽聞需要排4小時隊，形容「打晒蛇餅」，幸好今日情況尚可接受，續指排隊「唔多唔少都有少少（唔開心），但都無辦法，無得話唔攞」。她指會考慮等待熱潮減退再購物，「希望佢做好啲處理，人手多啲先」。
李女士：咁都可以退貨嘅
不願上鏡的李女士表示，今日已經是第二次前來該自提點等待取貨，指上次等待近3小時，而今次則排隊接近1個半小時。她指該自提點本身已承擔坑口區居民的貨運，加上今次拼多多與順豐終止合約，令「所有貨堆晒喺呢度」，自己只是「買咗幾蚊嘢」。被問及「為咗幾蚊排咁耐值唔值得」，她表示「咁你都可以退貨嘅」。
自提點負責人：每日有近1,600件貨到店
自提點負責人林小姐表示，今次情況因「『順豐』咁大間企業話唔做就唔做，我哋食晒佢哋啲貨」，令致出貨量增加至少兩倍，每日約有1,500至1,600件貨到店，早兩天已經加開營運時間，由早上8時經營至晚上11時，「我哋噚日差唔多無閂門」，未來數日亦會如此運作，「希望兩、三日內可以散晒啲貨」。她續指，近日更已加派人手，「今朝有4個同事，啱啱有兩個去咗休息，一陣有兩個會返工。」
自提點隔壁鋼琴教室的學生Venus表示，上周有一名女子和自提店的店員，因數十元的貨物發生爭吵，最後甚至需要報警處理。導師Miss Nita指自提點以往已經會將貨件堆在鋼琴教室門外，「啲手推車推嚟推去，好噪。」
廣場亦安排近10名保安在場維持秩序。現場安排等候取件市民在通道的一旁等候，並使用「拉帶柱」以保持通道暢通。
記者、攝影：李健威
