風暴「丹娜絲」採反「Ｖ」字的回力標走勢，臨門遠離香港後，再使出一記「回馬槍」，殘餘近日又重臨香江附近。天文台分別於昨日（9日）深夜和今日（10日）需發出紅色暴雨警告。暴雨下本港天色暗陰多區連場大兩，部分地區更是橫風橫雨。在屯門公路，有司機在夜深的紅色暴雨下做出守望相助的好人好事，引起「暴雨下開死火燈引路」正反兩派網民的熱烈討論。詳情見下圖及下文：
紅雨來襲屯公一片模糊 司機緊急救援全程開死火燈引路 後車司機大感激逐張睇↓↓↓↓
樓主：大雨到完全睇唔到線
有港女今日凌晨在社交平台Threads以「紅雨」為題，上載短片發帖，指「好多謝前面呢位司機大哥，屯公（屯門公路）全程開死火燈為我哋引路。P.S.（補充） 大雨到完全睇唔到線」。樓主在回應欄補充，「呢位司機真係幫咗好大忙其實」。
相關閱讀：粉嶺站轉車站 連接蓮塘口岸巴士有蓋行人路 暴雨後天花水長流 網民懷念舊式巴士站石屎頂
死火燈引路 正反兩派激辯
這樁好人好事也溫暖到網民，指這正好顯示到「香港人互相幫助」。但對於暴雨開死火燈引路一事，卻在帖文的回應欄引起正反兩派激辯，有反對開死火燈的網民提醒：
•遇著有部真係壞咗車打死火燈停喺到嘅，你咪隊咗埋去囉；
•著住（死火燈）行真係遇到突發事點通知後面？有霧燈開霧燈，冇嘅話開著車頭大燈已經夠；
•開死火燈，第一時間判斷為死車呀。如果太大雨睇唔清，停路肩，開死火燈。等雨勢減弱再行車；
•長開死火燈嘅話，前面急停就冇其他辦法話俾後面知…其實車尾燈都夠光俾人見到，唔需要長開死火燈。
撐死火燈派：安全返到屋企就好
不過也有人認為應特事特辦：
•安全返到屋企就好；
•呢一刻對呢位司機有幫助已經夠啦～仲講咁多道理做咩？；
•大雨有教開住死火燈「危險警告燈」慢行，可以前後互相提醒……落狗屎能見度低，黃燈嘅可見度係高過紅色尾燈，所以絕對有幫助；
•你無駕駛經驗就無Ｘ噏啦，識揸車都著死火燈行，尤其highway（高速公路），大雨到睇唔到線，睇唔到前路，大家都係跟死火燈行兼疏開車距；
還有人提出自身經歷力撐——我試過屯門公路出九龍，行咗冇幾耐紅雨轉黑雨。超級驚，嗰陣仲揸緊mini（mini cooper）車身低，潛艇咁。大雨到乜都睇唔到，有車喺附近都會有浪打埋嚟，水撥冇用。全程車前後架架車都打死火燈，我先可以確定應該點行，同保持安全距離。打死火燈係絕對有用。
網民：好心塊玻璃清下油膜啦
另有網民向樓主教路，指「戴太陽眼鏡、電影3D眼鏡，或用電話鏡頭做視野（某幾隻牌子電話）可令視野變清晰」。還有人留意到樓主座駕的大銀幕，直指「有冇諗過係你塊玻璃問題？啲油膜多到，清完油膜，再用吓雨敵啦，就算唔開水撥落大雨都清到不得了」、「玻璃上面嘅油膜似乎好嚴重，如果清理乾淨再加上撥水劑，情況會唔同晒」，有人更加清楚地分點指出：
•第一好心塊玻璃清下油膜啦
•第二長打死火燈無咗再突發意思
•第三可以行慢線唔係騎中快線
P.S.（備註） 提提雨季記得清潔下車頭玻璃油膜，有清潔，紅雨塊玻璃都可以有睇到條路。
根據運輸署資料，如車輛因故障或緊急事故，而在快速公路或車速限制超過每小時50公里的道路上停留不動，或車輛可能對其他道路使用者造成危險，必須亮起危險警告燈（死火燈）。
網民直擊多區暴雨情況
另外，深夜暴雨期間，新田公路（往元朗方向）近模範鄉全線一度封閉。受影響巴士路線須改道行駛。有網民以「又紅雨大家番屋企小心」為題，在社交平台Threads上載新田水浸馬路的短片發帖。有網民驚訝「嘩！浸得咁犀利」、「好似係海入面咁~」、「師兄揸緊船？」，有人形容為「陸上渡輪」。還有不少網民上載暴雨下橫風橫雨的短片，直擊見到本港多區的暴雨情況。
資料來源：yan_.0.6＠Threads、toto_tongpuiyee＠Threads、cynthia.c3c＠Threads女_dewai068＠Threads、ced_feiv3015＠Threads、tommylitml＠Threads
相關閱讀：天文台最新消息｜因應天氣發展 教育局宣布7月11日所有日校停課 同日中一入學註冊順延至下周一
相關閱讀：颱風丹娜絲︱元朗新田公路紅雨下水浸 往元朗方向近模範鄉全線封閉 巴士須改道行駛
相關閱讀：颱風丹娜絲︱天文台凌晨1時40分取消黃色暴雨警告信號
相關閱讀：粉嶺站轉車站 連接蓮塘口岸巴士有蓋行人路 暴雨後天花水長流 網民懷念舊式巴士站石屎頂
相關閱讀：風暴「丹娜絲」路徑詭異 臨門咁樣走法避開香港？ 網民爆笑：直射變腳趾尾拉西↓↓↓↓
送走了7月5日熱哄哄沒有應驗的大災難預言，本港卻換來了因風暴「丹娜絲」靠近帶來的極端酷熱及高溫天氣，市面繼續熱哄哄。有網民留意到「丹娜絲」的詭異路徑，笑言像「腳趾尾拉西」般以一個奇怪的姿態臨門避開香港。
網民湧入香港天文台facebook專頁7月4日的「12:20發一號」帖文留言，對「丹娜絲」的路徑大肆調侃一番，有人笑言「睇留言笑爆嘴」↓↓↓↓
