七一回歸日賽馬，我聲明亂買的意頭馬，全部釘釘，一匹都冇表現，似有個強烈訊號——下半年萬事不宜，要積穀防飢。
事實，睇睇客觀形勢，無論政府高官唱到點好（角色需要），但只要大家睇睇市面實況，再與做生意朋友傾傾就知，高官與平民正活在一個平行時空。
尤其見到香港利息被「人為撳低」，更顯得不尋常。港元既與美元掛 ，你違反自然撳息，班投機友點會同你客氣，當然大手沽港元，轉場去美元賺息啦，ABC智慧矣。故此，港元急速變弱。但這趨勢不可能持久，因最終政府必頂唔順，要跟返美國息口，到時會點呢？請用常識分析！
幸而香港又非瓣瓣噹 ，例如大學界，就有大水湧入。外來學生多屬精英，若他日十個畢業生有三個留低，咁呢批生力軍貢獻將唔簡單。記住：香港從來是個人才大熔爐，精英Come精英Go，只要維持出入自由（錢及人才），中長期是不用擔心的。
香港另一瓣繼續掂，為賽馬事業。七一回歸入場人數與投注額皆不俗，尤其吸內地客方面，走勢良好。
但有樣 ，馬會完全落後需要，是冇提供方便畀遊客下注。外來客未必有港元，若只 住外幣，尤其人民幣，根本冇得玩，點通？其實馬場內是否開多幾個櫃位，再大事宣傳有貨幣兌換服務呢？
如今安排大銀行來做，必有N咁多麻麻煩煩關卡。咁啦，臨時搵坊間的豬牛羊乜記物記找換店頂住先，快靚正解決基本問題，再從長計議啦。
今日跑馬，我決定唔刨，只買馬名，選第五場四班新馬「活力精神」，短途排二檔，配場場有鬥志的潘明輝，贏輸唔重要，最重要我希望自己及馬匹皆如其名——活力精神。
