(曾智華)
今日標題比較特別，唔解釋住。
先講講N年前的所有港督，基本上全部由英國派來，而非由政府內部擢升，所以，個個空降前皆無法掌握本城實際情況，例如應處理各種棘手問題的緩急先後。
抵港後，對外及政治性的問題，港督要請示倫敦。本土問題，就要靠政治顧問及資深政務官協助處理。老江湖政務官必定了解香港的複雜問題，邊\u5572應該立即搞，邊\u5572應該扮睇唔到，若空降港督肯聽，一定相安無事。
當年有三句「忠告」，非常「到肉」：
一、Let sleeping dog lie。千祈咪弄醒惡犬，因會製造更大混亂。香港問題千萬，未出事就咪搞佢，以免引發更多麻煩。
二、勿揭起壓著蛇蟲鼠蟻的石頭。地下運作一切衰\u5622，只要有大石壓住，就要扮唔知，切勿手多多好奇搬起石頭，如此，問題將會一湧而出，根本無法處理。
三、If it ain’t broken, don’t fix it。官場任何老規矩，若運行多年冇出亂子，就切忌無無謂謂改變，因亂改反可能引起千百種問題，總之，無事發生就咪為改而改。
昨晚與一群退休高官及CEO晚飯，個個兩杯到肚，爆出不少昔日過癮\u5622，當然全部不可在此曝光啦。但佢\u54cb所提及一種普遍高官及打工皇帝的心態則可分享，正是AMR。
AMR英文短寫，即After My Retirement。
在位者，有問題發生，你唔面對唔得，硬食。但若能將問題「調控」到下手上場才爆，咁就唔關我事，舒服晒。
舉例，香港舊樓數十萬計，當中不少危危乎，有\u5572遲早\u51a7，但多成咁，邊有得搞？所以，在位者當然希望一切AMR，正常心態呀！
