曾智華
家中裝有Netflix幾年，甚少睇一套劇集或一套電影至尾，故此，從不察覺字幕之後，有個觀眾調查，對剛播完的片評核。
上周竟罕有地坐定定，睇完一套八集電視劇，字幕汁都撈埋，然後第一次自願發表對劇集意見，按下「超愛」！
小弟是個冇耐性的人，睇電影中途離場，有一半機會發生。更嚴重，十五分鐘至三十分鐘走人的，也近五分一。點解？時間寶貴，無謂浪費。反正自己已真金白銀付出票價，對得住製作者了。
講返「超愛」，哪套劇集有如此大磁力？正是在Netflix熱播的台劇《忘了我記得》。
近日不停介紹朋友睇，反應非常多樣化，有的似我「超愛」，有的睇一半已喊到死\u5413死\u5413，更有個別睇睇\u5413唔敢/唔想再睇下去，太慘太真實，不想面對。
慘？其實步入中年而父母仍在的，有幾多個不用經歷照顧者的心酸與絞痛？當然，步入七十歲者，也會體驗到身體一天天老去，記憶力一天天弱化的無助，最後連基本尊嚴都冇埋，由沖涼到大小二便都要回復「BB期」。
《忘了我記得》為才女導演劉若英作品，身兼編劇與導演，筆觸的細膩，觀察的敏銳，對人性的掌握及說故事的功力絕對頂級，功力非比尋常。
劉若英勁，但幕前兩大靈魂人物，演技也令人寫個「服」字。79歲的秦漢，擁有神級演技，八集之中的變化拿\u63d1，嘆為觀止。
女主角謝盈萱，對生活上甜酸苦辣的演繹，絕對精準，一次又一次獲封影后，實至名歸。
此片講一對關係至深的父女，在父親慢慢老去至逝世一段日子的感情及生活變化。
我「超愛」，除此劇的超高水準外，更因內容有八成感同身受。
