臨近颱風季節，香港天氣特別悶熱，周末乘車經過一個隧道，赫然發現一位交通警坐在天橋躉之上，做甚麼？攝氏三十幾度呀，你唔係話畀我知執行汽車速度偵測 哇！
駕車的反問︰「炎熱天氣唔使做？任由大家開快車？」我可能平日搭慣港鐵，偶有坐的士或私家車，我不是看手機就是閉目養神，今天大開眼界，原來香港無用智能汽車偵測系統。六、七年前我在深圳跟華為的業務代表訪談，他提醒我深圳搭的士一定拉好安全帶，事關所有燈位都有拍攝鏡頭，並擁有高級人面辨別，換言之，無得「偷雞」。當時我漫不經心，仲窒佢︰「係唔係華為出品？哇，真架勢囉！」
日前去順德一遊，幾年前覺得這\xf9堣ˋ龤A好靜態，生活節奏慢慢的，我想︰「如果不嫌順德落後，返上 住都OK 。」上到朋友的逾千呎豪宅參觀，他介紹全屋最大特色就是智能家居齊全，你想打開窗簾、調節燈光，叫一聲有智能代勞，好方便，特別對老人家友善，掃地、抹地又有機械人。
重點是一位來自四五線農村大媽的家務助理，對智能系統好熟練，不要被她的外表「欺騙」，其實佢好In，尤精於玩線上銀行支付等，係我朋友的好幫手，不過，大媽正職只不過係幫手煮飯、打掃。
香港好多人包括我，低估了內地的科技進步，順德有大型智能工廠，出名的是智能機械人，更有園區專門搞科技初創。簡單問三個字︰「香港呢？」我一時答不上。
