(曾智華)
乜 唔對路？點解可以慳返10蚊雞？
話說本欄周三畀的貼士，乃告東尼馬房「砂漿金剛」，周二開飛，咦，好鬼似樣喎，竟然只得五倍，第三熱。
不過，事情發展下去，越來越不妥了。去到周三開賽前，一路跌，由七倍跌到開賽前的十三倍。資深馬迷個個識睇飛，咁跌法，即係唔使買啦，盞 氣，輸硬！
飛的走勢有很多顯示，當然並非百分百準，但總的來說，八成時間準。因一隻馬能否跑出，普通散戶只能憑所知的公開數據靠估，散戶買得幾多？所以，前一日或賽日早上的投注，多來自散戶，大部分 就買，根本冇乜參考價值。
但幕後人士、「知情人士」及「操控人士」的飛幾時落呢？正是接近開閘前，等大眾馬迷冇手影捉，難以跟風分一杯羹。
例如「砂漿金剛」，閘前仍有十倍，一開閘，變十三倍，即呢幾分鐘完全大戶落飛，咁重手飛去 邊？去 開閘一刻由六倍變二點九倍的「運來五寶」，這匹才是「真命天子」也。
馬評人通常貼士唔多準，點解？正因佢 並非幕後人，故只能從已知的客觀數據推斷一匹馬機會。寫馬經的，要早兩日或最少一日交稿，故此，完全冇飛的走勢可捉。
就算現場評述的，也很難在開賽前五分鐘睇到蛛絲馬跡，只有跑完時大嗌：「嘩，打劫呀！」
小弟能慳返十蚊雞，乃因「砂漿金剛」跌飛太明顯，才冇咁 走去落注。
周三兩大高手「軟硬鞭」及「哈囉文」齊齊夢遊馬場，今日醒返未呢？答案耐人尋味。不過，兩位都唔使預我買啦。
暫時仍捧場場死砌的黃智弘。第四場「機械騎士」剛兩場第三，今次再省多課閘，心意明顯，熱熱都要買十蚊雞W 。
