曾智華
上周日開始黃昏馬，六點零五分時「出事」，幾乎令全港投注者啞晒。
點解？因當人人以為「冇可能輸」的郭富城愛駒「舞林寶典」，在賠率熱到一點六倍情況下，跑到接近包尾過終點。呢場肯定屍橫遍野，血流成河。
我是否其中一具「屍體」？不是！並非我特別醒，而是作為輸足幾十年的資深馬迷，遇上這種一面倒冇賠率的馬，必定會袖手旁觀。因贏出無味，輸\u5497抌心，買來為乜？不過，熱成咁，當然是有無數人以為買十蚊收十六蚊，一分鐘搞掂，好易中好易買餐\u9938。
說來，「舞林寶典」成頂頭大熱，也非無理，因上場初出，同是跑一千米，輕風送爽勝一個馬位，完全未受考驗，潛質深不可測。另外，過往經驗，「郭天王」馬逢出必拼，唔會整古做怪，冇W都應有P。
更重要，次次「舞林系」馬出，馬迷必定\U0002512b實沙圈互問：「郭富城有冇入場？」
今次天王不單成家出動，更連小美（幾十年的經理人）也出現，個勢擺明成棚人準備威威風風拉頭馬。
加上馬排靚檔，落\u5497注，相信冇人會有任何心理準備要搣飛。
結果？出閘被夾窒一窒，跑到三分一又被撞一\u5622，最後輸七個幾馬位，第十三名過終點。不少陰謀論者當然大罵「哈囉文」，因呢丁世界級高手跑得實在難睇。
其實隻馬可能會輸，練馬師方嘉柏早有「預告」！賽前接受訪問表示：「隻新馬今次加八磅出賽，可能有點重！」佢似早早為屍橫遍野打底，不過唔係太多人聽得明\u556b。
上次山埃「米奇」我輸\u5497廿皮，有冇累埋你？
今晚山埃是「砂漿金剛」，此程能手，3月5日同程告仔部署爆大冷，結果二十六倍輸短頭。今次仲唔回馬槍呀！
