蒲台島海灘驚現懷疑擱淺私煙？有港女近日在島上行山時見到沙灘上散落數十條香煙，當中有條裝也有散裝，形容「成件事好毒梟」。網民不但想起了經典電影《無間道》的劇情，有人目測後估計現場的香煙有可能市值數以萬元計。詳情見下圖及下文：
蒲台島海灘驚現懷疑擱淺私煙 行山港女揭發：成件事好毒梟逐張睇↓↓↓↓
網民：海鹽味香煙
樓主昨日（8日）在社交平台Threads以「行山驚見一堆私煙擱淺，成件事好毒梟」為題發帖，上載現場的多條短片和相片。當中不但拍攝到周遭環境，還有即場「開箱」鏡頭，見到拆去玻璃紙後，從一包散裝香煙中拿出兩根，之後隨即掉到地上。
有網民笑言「唔知曬返乾食唔食得？」、「依啲煙，香港好少見，懷疑係假煙，拎出嚟曬一囇，可能有啲海鹽味」、「海鹽味焦油」。樓主也搞笑地回覆「一定得㗎，可能多咗海鹽／魚蝦蟹味喺入邊」、「日本煙真係有呢隻味（海鹽味）」。
相關閱讀：紅磡禁煙公園內吞雲吐霧 外傭懶理小妹妹食二手煙 網民發現另一驚人細節
網民想起電影《無間道》
有網民聲稱「目測白賺2皮（2萬元）」。而根據樓主上載的沙灘鳥瞰角度相片粗略點算，現場散落約有75條香煙（目測每條10包），若以市面散裝香煙每包約$100元計算，現場的香煙零售市值約7.5萬元。
此情此景，也有人想起了電影《門徒3》或《無間道》的劇情，應景地上載「傻強掉晒啲貨落海」和「有內鬼終止交易」的劇照，還笑言樓主「你知得太多啦！」。有人則正經兼心急地查問「地址呢，我幫你報警」、「其實使唔使報警？」。
網民自爆更驚險經歷
有網民還替樓主抹一把汗，稱「好彩唔係『雙獅地球牌』（毒品海洛英品牌）」，有人還透露「間中都聽到淨灘嘅人執到一磚用保鮮紙包冚嘅嘢」。
有人自爆更驚險經歷——「前年喺大陸陽江出船釣魚，喺遠海度見到個大木箱，船長用繩拉喺船邊開箱，開咗個角仔，見到兩隻獅子企喺地球兩邊，嚇到佢剪繩飛返埋岸」。
海關強調走私屬嚴重罪行
樓主懷疑現場的香煙為「擱淺私煙」。海關強調，走私屬嚴重罪行。根據《進出口條例》，任何人輸入或輸出未列艙單貨物，一經定罪，最高可被判罰款200萬元及監禁7年。此外，根據《應課稅品條例》，任何人若處理、管有、售賣或購買私煙即屬違法，一經定罪，最高可被判罰款100萬元及監禁兩年。
海關表示，市民可致電海關24小時熱線182 8080，或透過舉報罪案專用電郵帳戶（[email protected]）或網上表格（https://eform.cefs.gov.hk/form/ced002/tc/）舉報懷疑私煙活動。
資料來源：seeenatsang＠Threads
相關閱讀：石硤尾小學生球場老積食煙 多人共享一枝煙 涉事小學發200字聲明：將提供適當支援教導↓↓↓↓
今年初有網民野生捕獲有多名小學生，在石硤尾一個公眾籃球場內邊打波邊食煙，他們數人共享一枝煙，當中有一人穿著校服，食煙及踩熄煙頭手勢老練，引起網民關注。涉事小學發表約200字聲明，表示會為相關學生提供適當的支援和教導，同時與家長保持密切聯繫。有關事件詳情如下↓↓↓↓
