(胡孟青)
但凡有老牌戲院要執笠，市民蜂擁跟招牌打卡留念，儼然已成為指定動作，還要在曲終人散之前大玩全院滿座，表面上大家都依依不捨，充滿香港情懷。
在正式告別觀眾前，上演了三場驚險電影「盲盒場」，有人話當年拍拖就係\u569f呢度睇戲，有人話第一次出糧就係來買飛睇戲，捫心自問，講到幾愛幾唔捨得這間戲院，你上次來海運戲院真金白銀買飛睇戲又係幾時？
時代在變，幾多集體回憶都敵不過時代的洪流，自從有了串流，老牌戲院結業潮已成全球常態，當年的東方荷里活自然生成，成就不少蜚聲國際的傑出電影作品，百花齊放，今天的《破．地獄》、《九龍城寨之圍城》、《水餃皇后》本土情懷香港風味，只此一家。想撐又唔見得除了間中燒一日銀紙請睇戲，還有甚麼板斧。
演唱會經濟向來都係自動波，政府要撐，就要先從搞手成本出發，紅館開演唱會，康文署第一個走出來同你分身家，去年語不驚人話紅館「人影都冇隻」\u5605尊貴議員，其實應把焦點放在長期被不少歌手咎病指「大細超」的相關部門。審批申請準則長期透明度不足，怕且又要驚動申訴專員，正視根深柢固的問題，畢竟自從有了啟德體育園帶來的攤薄作用，加上近年不少演唱會情願移師背靠賭場的澳門，成本效益更划算，早前在澳門銀河綜藝館看了一場意大利男高音Andrea Bocelli的演唱會，同場所見，不少香港粉絲專程過大海朝聖，晚飯兼過夜，證明高手有市場，會否是香港場地\u63f8Fit人太趕客，人家才棄港選澳？
